TVB《降魔的2.0》播出四集，節奏明快，保持第一輯笑中有淚的特點，除了C君飾演的「風獅爺」大放笑彈，豪仔（胡鴻鈞 飾）跟晶晶（謝雪心 飾）的母子情亦感動不少觀眾。昨晚一集講到小馬（馬國明 飾）不忍媽媽掛心死去多年的豪仔，特地贈送媽媽「小鳳姐」演唱會門票。與此同時，他便藉降魔之名把豪仔帶到電視城，暗中安排二人相見，又請求風獅爺為晶晶開天眼，以便看到鬼魂。豪仔跟晶晶身處同一個演唱會，正當豪仔離開之際，晶晶似有感應地轉身，兩母子終於相見，在短短30多秒，晶晶即時忍不住喊出聲，配合第一輯劇集歌曲《遙不可及》，整個畫面真係幾催淚！
相關新聞：《降魔的2.0》龍貓仔喊住想爸爸復活搞喊觀眾 何遠東親認原來同餅印小演員係...
{{hket:inline-image name="OO.jpeg"}}{{/hket:inline-image}}
小馬雖然是養子，但同晶晶母子情深，關係好好（圖片：《降魔的2.0》劇照）
{{hket:inline-image name="D.jpg"}}{{/hket:inline-image}}
晶晶憶起豪仔，不禁爆喊（圖片：tvb影片截圖）
{{hket:inline-image name="333.jpg"}}{{/hket:inline-image}}
（圖片：tvb影片截圖）
{{hket:inline-image name="ZZZ.jpg"}}{{/hket:inline-image}}
豪仔打算離開之時，晶晶終於見到他（圖片：tvb影片截圖）
{{hket:inline-image name="www.jpg"}}{{/hket:inline-image}}
二人對望的畫面好催淚（圖片：tvb影片截圖）
正當晶晶打算走上前時，一眨眼豪仔就消失不見，晶晶即刻追出去，卻見到變成怪獸的豪仔，嚇得她大驚。而小馬得悉媽咪失蹤，慌忙尋找之下，卻見到她昏倒地上，到底豪仔為甚麼會突然「變身」呢？
豪仔突變怪獸（圖片：tvb影片截圖）
（圖片：tvb影片截圖）
劇中晶晶一直未忘記二十多年前死去的親生兒子豪仔，並在家中日夜供奉。而在戲外謝雪心跟胡鴻鈞的感情也很好，親密如真正的母子！
近日二人接受TVB娛樂新聞台訪問時，胡鴻鈞提到之前拍《降魔的2.0》動作戲受傷，不慎由高處墮下撞傷頭部，入院時原來心姐緊張得喬裝打扮到醫院探望他。胡鴻鈞說：「心姐好窩心，佢有上醫院探我，個時新聞都出咗，醫院附近好多記者，佢出自保護我嘅心態，喬裝打扮咗，包得好密實。」謝雪心就解釋：「因為我個時要保護佢呀，咁我就唔會光明正大上去，我好低調。當時醫生嚟巡房，佢爸爸媽媽企喺一邊，我就企佢媽咪後面，到巡完房，佢屋企人講唔該醫生，我又跟住一齊講，真係好似自己個仔咁㗎。」
（圖片：娛樂新聞台影片截圖）
心姐憶起劇中跟胡鴻鈞母子情，更不禁落淚：「痛在內心，又錫在內心，真係欲哭無淚，豪仔死咗，就算石敢當幾似豪仔，都呃唔到自己，佢都唔會翻生。」戲裡戲外二人的感情都咁深厚，絕對合作無間，讓人更期待兩母子親情線之後的發展呀！
（圖片：娛樂新聞台影片截圖）
撰文：羅慧怡
責任編輯：楊安莉