劇集《十八年後的終極告白》隱藏十八年的真相終於浮現，原來燒烤當晚賴國明（KT唐嘉麟飾）都有現身，更錯手殺死胡啟思（林浩文飾）。十八年來一直隱藏真相，但賴國明對林朗生（譚俊彥飾）一直有種情誼，因曾經被欺凌的他獲林朗生代出頭，慢慢將感謝之意昇華成為苦戀，他認為林朗生十八年前開腔建議埋屍，隱藏他殺人的真相，亦是間接幫助他。賴國明患上精神病，住兩年精神病院才出院，後來掩飾自己的病歷，申請到林朗生工作的大廈做保安員，只求每日見到對方說聲早晨。
由於胡啟思的駭骨被發現後，林朗生多次被恐嚇，賴國明只好一直將威脅他的人統統殺死。包括鬼仔強（蕭徽勇飾）、Tiger（杜大偉飾）和Tiger嫂（尹詩沛飾），更曾經推蛋撻（司徒暉飾）落樓梯導致對方終身癱瘓，又放火想燒死麗瑾（黃智雯飾）。
相關新聞：【十八年後的終極告白‧劇透】神隱「蛋撻」現身 到底係咪兇手？ 迷暈譚俊彥的神秘人有跡可尋
(圖片：《十八年後的終極告白》電視截圖)
(圖片：《十八年後的終極告白》電視截圖)
(圖片：《十八年後的終極告白》電視截圖)
KT接受《晴報》專訪，他表示：「第一次接個角色係鋪排咁多集，宣傳又唔去得，拍嘅場口好多都係過鏡，感覺幾得意，我都好期待出嚟嘅反應。我都有追睇，聽講收視不錯，近日多咗人追問我係咪蛋撻，我都唔肯講。」他形容今次角色是好黑暗，一直以來幫忙譚俊彥，其實是心存感恩，只是因為思想失常才導致不同的慘劇。他說：「我事前向譚俊彥請教，因為佢係前輩，我同佢都覺得令人最恐懼嘅就係平淡，喜怒不形於色，我覺得殺人係啱嘅，因為為咗保護你之嘛。」
問到會否擔心真相出來之後的反應，他說：「總會有人鍾意、有人唔鍾意，大家估唔到係我，咁都叫做成功吖！其實演殺人真係攰，特別係眼神，我本身性格同埋見完血之後個反差好大，所以我事前好大壓力，好擔心演唔到個感動，交代唔到劇情之餘，監製以後都唔會再用我。」KT憶起跟譚俊彥在船上的戲是最後一場，最終完成最後一個鏡頭後，他忍不住大叫：「收工喇！」去發洩多月來的緊張和壓力。今次演殺手非常成功，是否為KT打了一支強心針？他說：「唔係呀，你永遠唔會係最勁嗰個，一直都係學習心態，我冇諗呢套會唔會係我代表作，平常心啦，之後拍《實習天使》、《倩女失魂》都好多戲份啦！唔緊要，我好尊重我份工作就可以， 鍾意做就會繼續堅持落去。」
相關新聞：【十八年後的終極告白】江欣燕黃智雯演母女差15年唔算誇 TVB呢套劇母子真實年齡僅差4年
(圖片：《晴報》楊嘉傑攝)
(圖片：《十八年後的終極告白》電視截圖)
(圖片：《十八年後的終極告白》電視截圖)
今次唐嘉麟飾演的終極殺手，令多單兇殺案一次過解開謎團，他向譚俊彥在船上「終極告白」，表達心跡，為愛變殺人狂。觀眾反應兩極，不少人讚非常驚喜，完全留意不到這位保安員，但亦有觀眾認為太牽強，有不少犯駁位。
1. 醫院先後擄走兩個人
醫院人多又日光日白，KT竟然可以喺男病人病房用輪椅推走一個唔係病人而又暈倒嘅女人，護士們全部都見到但若無其事，難度是非常之高，而且醫院四處都是保安和閉路電視，麗瑾找媽咪時竟然完全沒想到這一點。KT推走江欣燕期間又遇到譚俊彥，繼續用迷暈方式帶走他，他一個人要在醫院範圍處理兩個暈倒的人，坐車？揸車？還要將他們一次過放上船，實在想不到是如何辦到？
(圖片：《十八年後的終極告白》電視截圖)
咁樣推出去，護士見到都冇問題？(圖片：《十八年後的終極告白》電視截圖)
未知處理好江欣燕，就再夾多個走。(圖片：《十八年後的終極告白》電視截圖)
2. KT細細粒殺人
劇情交代KT患有精神病，殺人無數，然後畫面交代他過往到底如何落手，不過蕭徽勇、司徒暉和譚俊彥都比KT高大兼健碩，特別是他跟蕭徽勇、司徒暉爭執時，竟然贏過對方，實在令人意想不到。
司徒暉比KT高好多。(圖片：《十八年後的終極告白》電視截圖)
不過司徒暉都係輸。(圖片：《十八年後的終極告白》電視截圖)
蕭徽勇幾乎係KT身形兩倍。(圖片：《十八年後的終極告白》電視截圖)
3. 見血即狂
KT每次見血都會發狂「跳掣」，無論是殺蕭徽勇、杜大偉還是尹詩沛，都一樣出現失喪的情況。不過他同蕭徽勇爭執、還是被杜大偉打到流鼻血，明明他以沾有鼻血的手用來殺人，但屍體上竟然沒被發現有其他人的血跡？
(圖片：《十八年後的終極告白》電視截圖)
責任編輯：楊安莉
首飾：J Love Jewellery
眼鏡：Hachill