【我老友係明星】毛舜筠常因一事黑面嚇窒幕後 親揭拍TVB劇背後非人生活

近日，有線電視《我老友係明星》邀請到鍾慧冰，帶她老友毛舜筠到惜食堂做義工，為老人家送飯、斟湯。除此之外，毛舜筠還談到多年演員生涯，解釋可能不會再拍劇的原因。

{{hket:inline-image name="11.jpg"}}{{/hket:inline-image}}

(有線電視截圖)

毛舜筠父母一個在麗的電視做翻譯，一個負責手寫字幕。80年代，毛舜筠加入TVB，她曾坦言初入行只為好玩，對演戲不太感興趣：「我嗰陣夢想工作係拍拖。」其後她憑喜劇《他來自江湖》阿玉聲名大噪，她大讚周星馳是其啟蒙老師。90年代毛舜筠加入影壇，代表作有跟張國榮合演的《家有囍事》；為她奪得香港電影金像獎最佳女配角的《早熟》；以及為她封影后的《黃金花》。

{{hket:inline-image name="17.jpg"}}{{/hket:inline-image}}

(電影截圖)

毛舜筠曾於00年代尾受邀重返TVB，主演處境喜劇《畢打自己人》，一直很網民歡迎，拍了大約1年半，但緊接又要拍了半年《天天天晴》。以為終於可以休息，但接下來又要與黎耀祥合演《愛回家之八時入席》。直到16年，毛舜筠終決定離開TVB，翌年到法國完成藍帶廚師課程。

{{hket:inline-image name="19.jpg"}}{{/hket:inline-image}}

(TVB電視截圖)

不過鍾慧冰就話聽過毛舜筠被稱「片場黑面神」，她說：「聽講你做嘢好惡，啲人好驚你，話：『毛姐到現場唔睇劇本，前一晚已經背熟晒，嚟到片場就埋位，邊個跟唔到就黑面。』」毛舜筠澄清太誇張，但有些部分卻講得太輕微：「每件事都熟能生巧...拍劇時間太趕，好短時間做好多嘢，冇時間拎劇本研究，要喺屋企準備好，到現場就進入狀態，有問題即刻講，而唔係『到邊個講？我睇吓先』，唔得咁！」她說只要這樣，才可準時完成當日行程。

{{hket:inline-image name="15.jpg"}}{{/hket:inline-image}}

(有線電視截圖)

但毛舜筠表示有種人可例外，就是很有才華的人，她舉例如曾志偉不會看劇本，到現場會先睡覺，別人對稿時他睡到有鼻鼾，一到他那場就馬上驚醒接到對白，她形容是「特異功能」。

{{hket:inline-image name="16.jpg"}}{{/hket:inline-image}}

(有線電視截圖)

{{hket:inline-image name="18.jpg"}}{{/hket:inline-image}}

(電影劇照)

如今毛舜筠已年屆59歲，被問到會否再拍劇，她竟然話：「可能我唔可以再拍。」原來拍TVB劇那幾年，她要一星期做足7日講到口水乾，認為負荷太大，難再勝任：「我應付唔嚟...好慘，冇休息，非人生活，好唔開心。已經講咗我要一日睇劇本，跟住6日先會拍攝順利。」她又指：「想享受過程，咁嘅工作量同戲份係唔得，但電視台唔容許，佢驚訝我一個禮拜要有一日休息，我話唔係休息。」無奈下，她只好早上7點起床，將7日劇本鋪在枱面做功課，做到晚飯後都未有停過:「郁都唔郁，只係去廁所，工人埋嚟畀嘢我食。」

{{hket:inline-image name="12.jpg"}}{{/hket:inline-image}}

(有線電視截圖)

{{hket:inline-image name="14.jpg"}}{{/hket:inline-image}}

(有線電視截圖)

{{hket:inline-image name="13.jpg"}}{{/hket:inline-image}}

(有線電視截圖)

撰文：張芷晴
責任編輯：楊安莉