結婚9年嘅王浩信與陳自瑤自2017年起屢傳婚變，二人除咗為打破婚變傳聞合體過一次之外就幾乎再冇喺公開場合雙雙出現，就連過時過節，佢哋都係喺各自於社交平台出post。雖然佢哋多次否認婚變，但傳聞一直都不絕於耳。
（東星娛樂）
尋日係二人嘅囡囡王靖喬8歲生日，陳自瑤今日喺IG Post出佢為囡囡親手製作嘅生日蛋糕靚相，但就未有貼出同囡囡以及老公嘅合照。相中所見，生日蛋糕像是以梳乎厘pancake疊成嘅雙層蛋糕，上面插有「happy birthday 」嘅旗幟，相當精美。
（陳自瑤IG）
陳自瑤留言表示：「親手做了個蛋糕，送給最親愛的你。」仲打上「小寶貝生日快樂」、「你快樂所以我快樂」、「簡單的幸福」等hashtag。唔少圈中好友都有留言祝賀，啱啱榮升人母嘅楊秀惠都大讚蛋糕好靚！
（陳自瑤IG）
其實陳自瑤上年都已經親手製作生日蛋糕畀囡囡，整餅技術已經係到「達人」級數。
拎出去賣都得呀！（陳自瑤IG）
而身為爸爸嘅王浩信，兩年都同樣冇喺相中出現，亦未有留言祝賀，只係喺陳自瑤呢個Post畀Like，而佢本人嘅IG亦未有提及女兒生日，只是Post出自己嘅Chok相，相信會令二人婚變傳聞更加甚囂塵上。
（王浩信IG）
無獨有偶，陳茵媺(Aimee)同陳豪嘅囡囡Camilla都係尋日生日，正所謂孻女拉心肝，Aimee一家都錫到Camilla燶。
（陳茵媺IG）
今個月佢哋一家都已經食咗唔少蛋糕，因為有3位家庭成員是「4月壽星」，包括4月1日生日嘅Aimee生日，4月16日生日嘅陳豪。
（陳茵媺IG）
雖然慶祝活動冇停過，但Camilla 4歲生日Aimee一啲都冇馬虎。Aimee今次準備咗粉紅色嘅長髮公主造型蛋糕畀囡囡，Camilla身穿公主裙笑得超甜，同媽媽好似用同一個印出嚟咁，非常可愛。
（陳茵媺IG）
另一張相就見到佢哋全家黐埋一舊合照，相當溫馨！Aimee留言睇得出囡囡萬千寵愛在一身：「祝迷人小公主生日快樂，我們非常愛你，數不盡的吻。」
撰文：黃蘊姿