《機場特警》下周進入結局篇，劇中多名演員表現不俗，跨平台最高收視達34.5，未知結局能否再創新高？「Hill張」張振朗同「辛仔」作為新人加入機場特警組，當中有不少對手戲和火花，彼此互相扶持，最後更成為一對CP。在劇中是英勇的特警，現實是藝人，而原來二人入行前都做過一些「估你唔到」的職業！
相關新聞：【機場特警】張振朗 蔡思貝靠6點撇甩負評 監製劇透有重要角色犧牲牽連大
(圖片：張振朗IG)
(圖片：蔡思貝IG)
張振朗
張振朗原來入行前曾任職多份職業，有外賣仔、DHL做文員、售貨員，還有在紅館做喇叭駁線等等。做了兩個月外賣仔，他就轉做類似傳銷的工作，每日不停打電話叫人幫自己買嘢。而張振朗第一份正式的工，就是做牛仔褲售貨員。他接受《晴報》訪問時說：「嗰時得17歲，因為我係成間舖頭年紀最細嘅一個，所以好多同事都好錫我，做得好開心㗎！」
(圖片：張振朗IG)
蔡思貝
蔡思貝於紐西蘭讀書時，雖然沒有刻意搵兼職，但每次踩單車出市中心，都會順便幫同學買日用品、食物餐點，每次收取1澳元「運費」，有時落雨嘅話就收多五毫子，做外賣速遞員賺錢，真係好有計仔！蔡思貝接受訪問時笑言：「我每日當做運動，賺少少零用錢之餘同學又開心，每個月大約賺20幾蚊紐西蘭元，都好開心架！」
(圖片：蔡思貝IG)
除了他們之外，其他藝人入行前又做過什麼職業呢？
林淑敏
於《愛•回家之開心速遞》中飾演大小姐的林淑敏（ Mandy ），入行之前做過空姐。雖然只是任職短短九個月，但都得到不少經驗幫助演戲。至於做空姐最難頂的工作是咩？她接受訪問時笑言：「最難頂應該都係洗廁所，其實有時瞓覺嘅地方比較狹窄，都有啲唔舒服嘅，不過時間耐咗適應咗都OK。」
(圖片：林淑敏IG)
李施嬅
李施嬅03年返香港選港姐之前，曾於在加拿大一間旅行社做暑期工。事關她嚮往飛來飛去，於是到旅行社工作，一心打算隨時買到平機票去旅行，又可以儲積分換機票。施嬅接受訪問時說：「Training期間我同上司講，我要離開兩個禮拜，當時佢都話OK，點知佢唔記得入紙幫我申請假期，後來公司因為同我失去聯絡而炒咗我！」其後她返校園讀書一年，就回香港參加選美。
(圖片：李施嬅IG)
吳業坤
吳業坤就話入行做藝人之前，曾經做過保險cashier的暑期工賺外快，大約是做入單工作，當時他做了一、兩年，之後考完A-Level入讀大專，參加《超級巨星》入行，就冇再無做呢份工。坤哥又透露之前申請了working holiday：「其實已經批咗，不過撞啱(新冠肺炎）疫情，暫時無辦法飛。」
(圖片：吳業坤IG)
採訪：Pauline
撰文：羅慧怡
責任編輯：楊安莉