TVB處境喜劇《愛回家》唔少演員都好有才華，拍劇之外仲有其他擅長嘅嘢，好似Terry畫漫畫好叻，細龍太係豎琴高手咁。近日嘅一集，講到吳江倫演岀嘅息影女星「心心姐」，孖住阿女「Joyce」林可悅，齊齊做Gym。林可悅著住Sports Bra同緊身運動褲，大騷性感纖腰，非常吸引，唔怪之得迷到「阿壯」焦浩軒流曬口水。原來現實入面，林可悅都係一位專業嘅健身教練，而且仲選過兩屆港姐同紐約華姐！
相關新聞：《愛回家》島大四子洗車變水舞間豔舞 攝氏9度低溫濕晒身超敬業
{{hket:inline-image name="ewq.jpg"}}{{/hket:inline-image}}
(圖片：TVB影片截圖)
{{hket:inline-image name="ee.jpg"}}{{/hket:inline-image}}
(圖片：TVB影片截圖)
{{hket:inline-image name="rrr.jpg"}}{{/hket:inline-image}}
(圖片：TVB影片截圖)
{{hket:inline-image name="sa.jpg"}}{{/hket:inline-image}}
(圖片：TVB影片截圖)
{{hket:inline-image name="eew.jpg"}}{{/hket:inline-image}}
(圖片：TVB影片截圖)
林可悅曾經喺美國留學，2016年參加過紐約華裔小姐，同屆冠軍係余思霆，當時佢獲得最佳旗袍演繹獎同友誼小姐。有晒選美經驗嘅佢，返到嚟香港打算再下一城，透過選美加入TVB做演員，可惜18年、19年兩次港姐佢都入唔到圍。
(圖片： 林可悅IG)
但天無絕人之路，呢個時候林可悅收到TVB通知叫佢面試，最後順利進入2019年藝訓班。今日林可悅喺IG發長文，除咗講下喺訓練班6個月嘅點滴，感謝一班導師前輩嘅教導，仲話好開心有得拍劇。她説：「慢慢由路人甲乙丙丁，護士甲乙丙丁，再到有機會拍開心速遞，有一句台詞，我真係覺得好感恩有呢個機會，去做我一直以來想做嘅事情。雖然亦都有人讚有人彈，以後要行嘅路仲好長好長（無限長），但起碼我知我老咗嘅時候唔會後悔，想當年我連試都冇試過。我當年選港姐嘅原因，就係為咗入TVB，雖然最後唔係以我想像嘅方式入行，但我依家每日返到TVB嘅廠度，返到自己由細到大嘅夢想嘅地方，仲真係有機會拍戲，我都係覺得好神奇。」
(圖片： 東星娛樂)
18、19年都報名參選過港姐(圖片： 東星娛樂)
林可悅話：「冇錯，只要有劇拍就得㗎啦」最後又鼓勵大家勇敢追夢：「千祈唔好放棄你熱愛嘅事情，尤其是我喺片場嘅時候，同一啲臨演傾偈，佢哋對呢一行真係好堅持、好有heart。」追夢嘅人係特別有型，畀心機呀！
(圖片： 林可悅IG)
(圖片： 林可悅IG)
拍劇之外，林可悅都好鍾意健身，前排仲考埋牌，好叻女，又喺IG叫大家可以搵佢上堂：「終於捨得去考個教練牌，新手學做gym嘅人可以嚟搵我上器械堂啦！學完兩堂包你自己以後都識做。」
(圖片： 林可悅IG)
(圖片：IG影片截圖)
撰文：羅慧怡
責任編輯：楊安莉