近日受疫情影響，唔少人都儘量留在家中，避免外出。而一眾藝人都唔例外，早前張繼聰同老婆謝安琪Jam歌，用音樂冧老婆，令粉絲大讚。而最近阿聰喺IG宣布自己將會做Youtuber，兼做埋攝影師大曬自己幫老婆影嘅靚相。歌手、演員、Youtuber等瓣瓣掂，被封為全能藝人！
阿聰成日都喺IG自彈自唱。（張繼聰IG）
張繼聰同老婆謝安琪一直都好恩愛。（張繼聰IG）
早前阿聰突然在Instagram宣布要做「YouTuber」，並留言︰「多多指教﹗#comingsoon」獲得大批粉絲讚好，連圈中好友陳凱琳及衛詩雅都留言指十分期待。有粉絲更留言：「作歌唱歌跳舞做戲健身，仲做埋youtuber，咁有才華得唔得㗎?」
（張繼聰IG）
之後佢更喺社交網中Post出兩張自己親自操刀影老婆嘅靚相，大曬老公視角。「今日，有個好出名嘅女歌手聯絡我，話好欣賞我影嘅相，想大家合作吓，我覺得可以。大佬呀，人地同過幾多最Top 嘅攝影師合作呀，都揾我影喎。唔通真係貪大家住得近呀？」曬恩愛嘅同時都不忘幽默。
（張繼聰IG）
相片一出，即吸引唔少人留言，大讚啲相好靚，更引嚟一班「老公」嘅羨慕，就如蕭唯展（前名蕭潤邦）笑指：「今次我俾你累死啦聰兒」，老婆江若琳就留言：「算吧啦佢影親我都又肥又短」，睇嚟阿聰嘅攝影技術獲得唔少認同和羨慕！
（張繼聰IG）
另一方面，阿聰胞弟張繼安亦最近於幕前出現，接棒做《警訊》主持，夥拍Kellyjackie（陳曉琪）。據悉張繼安於2006年1月加入警隊，曾駐守上水分區及機場特警組，其後自薦調職至警察公共關係科（PPRB）。他亦曾拍攝多條宣傳片，如講解五月天演唱會場地附近的交通安排，又曾與哥哥一同拍攝保護遺棄動物活動的短片。
（《警訊》截圖）
（網上短片截圖）
（網上短片截圖）
撰文：林惠珊
責任編輯：楊安莉