受新冠肺炎疫情影響，今屆港姐史無前例停辦一年。無綫舉辦港姐競選嘅40多年間，選出過唔少受觀眾喜愛嘅佳麗，但並非個個女仔選港姐都為入娛樂圈，亦有啲單純想當作體驗同增加人生閱曆。當中93年亞軍林麗薇就係灑脫港姐一名，卸任後只拍過一套電視劇就火速退出娛樂圈，之後赴美讀大學，淡出大眾目光，你哋知道佢近況嗎？
(TVB影片截圖)
林麗薇參選時只係個中七學生，同屆冠軍係莫可欣、季軍係余少寶，佢比賽時自我介紹都講都明志向係繼續學業。當選後佢只拍過一部《CATWALK俏佳人》，此劇係TVB為93年港姐度身訂做，所有參選佳麗都有角色，佢係劇中戲份都唔少。
(影片截圖)
同屆冠軍係莫可欣（中間）、季軍係余少寶（右邊）(TVB影片截圖)
不過林麗薇志向清晰，並冇迷戀五光十色嘅娛樂圈，卸任後就去美國讀經濟，其後從事地產業近20年，有自己公司，主要係做豪宅樓盤，絕對係一名有實力的商界女強人！近年佢回流香港，不時都會出席慧妍雅集慈善活動，轉行做保險公司理財顧問，又同屋企人夾份開地產廣告及室內設計公司，真係多瓣數！
林麗薇（左）(東星娛樂)
林麗薇參選時同其他佳麗關係都好好，現時得閒都一齊出席活動。
(東星娛樂)
林麗薇keep得好好，冇乜點走樣，同選港姐當年一樣咁靚，但40出頭都仲係單身，直到幾年前回港參加慈善活動，先尋覓到真愛，並於17年低調結婚！林麗薇老公就係出席慧姸雅集嘅善長仁翁，當時婚禮低調進行，唔少圈中藝人如吳幸美都有岀席。
(Facebook圖片)
(Facebook圖片)
吳幸美都有岀席到賀。(Facebook圖片)
撰文：羅慧怡
責任編輯：楊安莉