陳山河受身高限制做「御用弱者」 發展不及妹妹王馨平淡出娛圈

陳山河出身演藝世家，父親為已故香港邵氏電影著名導演、編劇秦劍（本名陳健），母親為已故香港女星林翠（本名曾懿貞）。林翠誕下陳山河後同著名男星王羽相戀，後來改嫁王羽並誕下三女，當中包括王馨平，因此，陳山河同王馨平係同母異父嘅兄妹，而曾江亦係二人嘅舅父。

{{hket:inline-image name="6.jpeg"}}{{/hket:inline-image}}

(《精裝追女仔之3狼之一族》截圖)

陳山河1984年出道，拍攝過多部電影，如《鬼馬校園》、《非洲和尚》、《猛鬼校園》、《精裝追女仔之3狼之一族》等，後來又加入《歡樂今宵》，做音樂環節主持，亦曾拍攝電視劇《第三間電台》演江華細佬。

{{hket:inline-image name="2.jpeg"}}{{/hket:inline-image}}

(《第三間電台》截圖)

由於身高只有5呎6，局限咗佢發展，佢多數都係飾演一啲畀人恰嘅角色，但亦大部分係健康樂天嘅喜劇角色。1987年推出首張粵語EP《將個心俾你》正式進軍香港歌壇；1992年轉戰台灣歌壇曾推出兩張國語專輯《為你付出》與《河堤上的傻瓜》，其後星途浮沉，1997年淡出娛樂圈。

{{hket:inline-image name="1.jpeg"}}{{/hket:inline-image}}

同苑瓊丹(左一)、薛家燕(左二)等都有對過戲。(《第三間電台》截圖)

2006年曾有謠傳指陳山河喺廣州因患愛滋病離世，佢同母異父嘅妹妹王馨平火速否認，指哥哥當時喺上海教英文同做生意。

{{hket:inline-image name="4.jpeg"}}{{/hket:inline-image}}

(陳山河微博)

陳山河後來更出示醫院檢驗證明自己冇愛滋，當時一度有指佢會復出，不過一直都係只聞樓梯響。陳山河最後一次消息就係喺微博係話自己喺上海去到深圳休養身體，自此再冇其他更新。

{{hket:inline-image name="5.jpeg"}}{{/hket:inline-image}}

(陳山河微博)

{{hket:inline-image name="3.jpeg"}}{{/hket:inline-image}}

佢微博最後一張相交代佢到深圳休養。(陳山河微博)

撰文：黃蘊姿