新冠肺炎疫情持續擴散，世界各地民眾都留家避疫，眾多藝人都唔例外，就連日前39歲生日嘅陳茵媺亦乖乖留喺屋企慶祝。
(陳茵媺IG)
陳茵媺上載咗兩張相，一張係同佢3個小寶貝齊齊切生日蛋糕，另外一張就有老公陳豪送上一束花同肉嘴，Sweet到爆！不過有網民將Focus放咗喺陳豪個樣度，事關個樣攰到爆嘅陳豪相中唔多似48歲，好似老咗十年咁。
(陳茵媺IG)
據知其實陳豪依家忙緊拍《陀槍師姐2020》，不過都唔會忘記老婆生日抽空同佢慶祝，羨慕死隔籬呀！
(陳茵媺IG)
其實陳豪一向都出名係好老公，雖然已經生咗3個，但仍然成日同老婆拍拖享受二人世界。雖然一齊咗多年，但佢都冇倦怠，逢親周年、情人節同生日都會有慶祝活動，個人好有儀式感，唔係咁多老夫老妻做得到！
忙極都會有拍拖活動！(陳茵媺IG)
講起好老公，唔少得同佢一齊拍《誇世代》嘅張繼聰！張繼聰近日又係受疫情影響留喺屋企多咗，日前佢仲同老婆謝安琪Jam歌，佢彈老婆唱，唔知謝安琪望住眼前呢個咁有才華嘅老公，係咪日日都Falling in love呢？
張繼聰愈大個愈有味道！(張繼聰IG)
連電單車呢啲冧女神器佢都識玩，其他男人點算！(張繼聰IG)
其實張繼聰用音樂才華冧老婆都唔係第一次，上年情人節佢就試過突然出現喺busking緊嘅樂隊中，對住老婆唱《每天愛你多一些》，而謝安琪就畀人影到成個小粉絲咁喺一旁冧住聽，真係每一日都熱戀咁款！
(謝安琪IG)
有網民都忍唔住留言，話張繼聰咁樣做令到其他男人好大壓力!謝安琪喺佢今年生日Post咗一張同老公攬住嘅相，留言表揚老公係佢嘅避風港：
「慶幸身邊有這胸懷
容許我偶爾躲進來
裝一下無牽無掛的長不大
快樂 難得
難得 快樂」
撰文：黃蘊姿