《機場特警》播映至今收視不俗，頭幾集故事重心在於講述一班來自各部門的警察如何考核及受訓加入機場特警，個個大騷肌肉，好養眼。不過相比起張振朗、楊明、黎振燁、黃子恆等大隻男警，湯洛雯、林泳淘、劉溫馨的空姐look仲搶鏡！
好似湯洛雯咁，佢就笑住話最肥曾經試過重140磅，有2個蔡思貝咁重，但係張振朗為咗套劇操到太瘦，佢都有盡力減肥，但始終追唔到張振朗個進度，劇中依然圓潤。日前佢去記者會話最瘦其實都有120磅，空姐制服只係僅僅著得落，佢仲笑言：「對我而言所有貼身衫都好難carry 。」雖然湯洛雯咁講，不過琴晚佢出場嗰陣唔覺肥，仲好靚女添！
其實歷年仲有好多飾演空姐嘅女藝員令人印象深刻，咁邊個著起制服上嚟最索、最正？
李施嬅
李施嬅喺《金宵大廈》飾演空姐Alex，曾經有幕著住制服扮鳳姐，擺出唔同姿勢去誘惑陳山聰，獲網民大讚好有女人味。
(TVB電視截圖)
張曦雯
張曦雯喺《法證先鋒IV》飾演Emma，最經典一幕就係佢著住空姐制服喺商場被李漫芬摑咗一巴，我見猶憐。
(TVB電視截圖)
陳慧珊
陳慧珊喺《衝上雲霄》飾演機艙服務員樂以珊，同吳鎮宇、馬德鐘有感情線，劇中嘅佢畀人感覺成熟知性，終擊敗眾多對手，勇奪「我最喜愛的電視角色獎」。
(TVB電視截圖)
胡定欣
胡定欣喺《衝上雲霄》同《衝上雲霄II》飾演凌卓芝，喺劇中由機艙服務員升職至機艙事務長，同黃子恆、羅仲謙有感情線。短髮嘅空姐唔多，但佢係幾好睇！
(TVB電視截圖)
沈卓盈
沈卓盈喺《衝上雲霄II》飾演機艙事務長韋素心，同鄧梓峰有感情線。佢眼大大、皮膚白，聲線溫柔，迷倒唔少男觀眾。
(TVB電視截圖)
岑麗香
岑麗香喺《衝上雲霄II》飾演機艙服務員Tracy，甜美可人嘅樣同一身棗紅色嘅制服造型好合襯。
(TVB電視截圖)
(instagram截圖)
江美儀
江美儀喺《衝上雲霄II》飾演高級機艙事務長方芮嘉，同馬國明發展成姊弟戀，劇中佢哋由陽台激咀到房再咀到上牀，難怪馬國明直言正式拍攝時手腳僵硬：「搞到我硬晒！」網民大讚江美儀嘅黑絲look好正。不過江美儀就話當年其實有人向佢發私訊話佢「老馬吃嫩草」，佢就好大方話個網民去到佢個年紀，有佢咁正先算。
(TVB電視截圖)
苟芸慧
苟芸慧喺《飛虎》飾演空姐丁慧慧，同馬德鐘、梁競徽有感情線。原來佢喺加拿大時曾經投考空姐，但法語唔合格未被聘請，拍劇算半達成夢想。
(TVB電視截圖)
馮盈盈
馮盈盈喺《#後生仔傾吓偈》度曾以空姐造型現身，仲彎身遞橙汁扮喺機艙度服務乘客，好搞笑，另有一番韻味。
(TVB電視截圖)
撰文：張芷晴