吳若希（Jinny）日前開live宣傳新歌，成日同老公Alex形影不離嘅佢一開始就影住老公打機。不過老公一於少理，Jinny嗌餓又笑佢髮線後移佢都不為所動。
Jinny於是邀請林盛斌（Bob）加入玩共同直播。一向乜都講嘅Jinny突然當住1,500幾個觀眾前大爆老公私穩：「佢係一個唔打飛機嘅人，因為佢話好嘥時間，其實（打飛機）可能係講緊5至10分鐘，對比起打機2、3個鐘，佢話打機唔嘥時間，唔係好明佢對時間投入嘅觀念，係我有問題定點？」Alex雖然尷尬，但都冇繼續打機，完全冇阻止老婆嘅意慾。喺直播另一邊嘅Bob都畀佢嚇親，之後爆笑問：「你癲咗呀？定飲醉咗呀？叫我點答你？每個人都唔同嘅，咪畀佢打陣機開心吓！」
相關新聞：【姊妹淘】坐高櫈曬長腿係「高妹」主持專利？ 吳若希莊思敏身高都有1米7以上
(吳若希IG直播截圖)
(吳若希IG直播截圖)
(Bob IG)
突然講18禁話題，即刻有觀眾話自己未成年，Jinny再補充話：「打飛機對男仔嚟講，係件好正常會做嘅嘢，唔好太神化，只係喺華人社會少開口講，對小朋友係性教育。」直播嘅最後Alex都有應老婆要求，放低遊戲機整豉油皇炒麵佢食，不過當佢食完又「投訴」唔夠味，都幾難服侍。
相關新聞：【勁歌總選】菊梓喬再封歌后擸6獎 吳若希派骨：「佢永遠係一姐」
(吳若希IG)
(圖片：東星娛樂)
Jinny食住老公其實都唔係新聞，佢曾大爆同老公拍拖時曾經分開過一段時間，後來到對方屋企時，發覺換咗密碼鎖。之後Jinny就搵開鎖佬上去爆門，不過最癲嘅係佢入到去打爛咗所有嘢，包括電視、魚缸、花樽、牀等等。雖然直播期間大家都對Jinny公開老公私隱一笑置之，但事後有人將事件放上討論區，幾乎都係一面倒鬧爆Jinny。網民都覺得Alex好慘，成日畀老婆落佢面，問佢幾時先會振夫綱，仲話佢娶錯老婆！
(吳若希IG)
不過夫妻之間嘅嘢外人都未必知咁多，Alex曾經喺網上同老婆表白：「這女人常常問我『我係咪好惡？我係唔係好野蠻？我係唔係好任性？』此時此刻，我只可以引用某天王的金句『係，你好惡，你好野蠻，你好任性，但，係我揀的。』如果你唔惡，唔野蠻，唔任性，這就不是你，這就不是當初我選擇的你。」 真係一個願打，一個願捱。
撰文：黃蘊姿