韓國一杯名為「400次咖啡」近日於各地都掀起熱潮，因為佢賣相「打卡able」之餘，所需材料亦唔多，吸引唔少人都係屋企試整。而近日好多香港藝人，例如森美、小儀、胡子彤等都係IG分享自己的製成品，胡諾言同陳俞希就拍片教埋大家整「400次咖啡」。森美仲話：「Coffee 400邊個打畀你飲，就係Love you 3000！」
（圖片：小儀IG）
「400 次咖啡」喺韓國好hit，係因早前韓國綜藝節目《新品上市便利餐廳》，到訪澳門的茶檔，見到店員以手打的技術做出焦糖奶蓋咖啡。而「400次咖啡」中「400次」就係指因上層的泡沫狀奶蓋是需要手動攪打近400次，才能出現奶泡般的口感。而基本材料只需準備美式的即溶咖啡、糖、溫水、牛奶和冰塊，而家仲有好多其他版本。材料唔算太複雜，但就考驗製作者嘅耐性。
大家嘅「400次咖啡」各有特色。（圖片：胡諾言IG）
而森美日前就係社交平台分享「400次咖啡」嘅製成品，留言︰「坐喺屋企一定肥系列，今日節目講過時興嘅Coffee 400，邊個打畀你飲，就係Love You 3000。」因為要打成差唔多成400次先有呢個效果，唔怪得森美會話，「邊個打畀你飲，就係Love You 3000」。如果有人整呢杯「400 次咖啡」畀你，真係要講聲：「係愛呀，哈利！」
鬚根look加自家製「400次咖啡」。（圖片：森美IG）
另外，小儀就指自己因家裡冇手動或電動打蛋器，只可用匙羹去打呢個咖啡。佢打咗唔止400次，指整呢個咖啡是另類運動，更話自己會再挑戰：「第一次整，明顯賣相同完成品未滿分，但我會再整再挑戰嘅，因為的確幾好味又滑溜。最後，我右臂嗰舊鬼鼠拜拜肉，結實咗，有得著！」
（圖片：小儀IG）
小儀話自己因家裡冇打蛋器，只可用匙羹去打呢個咖啡，仲打咗唔止400次。（圖片：小儀IG）
（圖片：小儀IG）
胡諾言尋日就係facebook開live教大家整，一齊睇吓點整啦！
撰文：林惠珊