2017年播出的TVB劇集《降魔的》大獲好評，因此劇組原班人馬再添食，開拍《降魔的2.0》。劇集早已在上年完成拍攝，而近日有傳《降魔的2.0》將於五月播出，該劇監製方駿釗昨日向《晴報》透露，表示新劇將緊接《機場特警》的8:30pm時段播映，令觀眾期待。
2017年TVB劇集《降魔的》播出引起不少討論。（網上圖片）
監製方駿釗接受《晴報》訪問時指:：「據我所知係5月嘅8點半檔出街，但確實日期未有通知！」而於8點半檔播出的《法證先鋒IV》及《機場特警》收視都不俗，估計TVB是想藉著這個勢播出《降魔的2.0》。另外，在9點半檔播完《慶餘年》後，《十八年後的終極告白》將會接棒播出。
《降魔的2.0》將於五月播出。（網上圖片）
監製又指續集將會承接上輯故事，稱︰「豪仔上次死咗，今次胡鴻鈞以鬼魂返嚟上豪仔身，不懷好意接近小馬，更會以不同形態在小馬面前出現！」馬國明都劇透說：「第一輯小馬搵唔到豪仔，只見到石敢當；第二輯終於搵到豪仔，主要圍繞我同豪仔條綫發展！」
(圖片：《降魔的》劇照)
馬國明在訪問時提到自己都好喜歡新劇，「套劇我好鍾意，希望快啲出街！」他又認為：「收視對我唔重要，以前星期三跑夜馬收視低，打8號風球又收視高，我重視口碑多啲，寧願觀眾鍾意劇本、演員表現，劇集質素緊要過收視點數，如果疫情影響人唔出街先至收視高，對我係無乜意思。最希望觀眾評價好，多啲人讚好睇先重要！」
(圖片：《降魔的》劇照)
今次《降魔的2.0》沿用原班人馬，亦加入C君（鄭詩君）、譚凱琪等新角色。而胡鴻鈞曾在拍吊威吔戲份時，不慎從高處墮下受傷，需送院治療及留醫。
今次《降魔的2.0》沿用原班人馬。(圖片：胡鴻鈞IG)
(圖片：胡鴻鈞IG)
3年前播出的《降魔的》大獲好評，當時劇名不但曾成為熱搜榜冠軍，更帶挈主演的馬國明及胡鴻鈞人氣急升，兩人更在《萬千星輝頒獎典禮2017》獲「最受歡迎電視拍檔」，但當年馬國明只能晉身「最佳男主角」最後五強。而上年憑《白色強人》奪視帝的他，未知今年會否會憑此劇冧莊視帝？
未知兩人今次拍劇又會擦出怎樣的火花？(圖片：胡鴻鈞IG)
馬國明曾獲提名「最佳男主角」十二次，上年終憑《白色強人》奪視帝。(圖片：東星娛樂)
撰文：林惠珊