羅佩芝 1981年從三藩市回港參選香港小姐，以大熱姿態取得冠軍，不過佢好快就因為虛報年齡而被無線褫奪佢嘅資格。港姐選舉頭一次發生呢類事件，當年震驚整個娛樂圈。
(《恩雨之聲》截圖)
羅佩芝鬼妹仔性格令到佢參選期間已多多新聞，喺美國長大嘅佢認為讚美人係一種禮貌，但當時佢無心一句稱讚一位無綫高層，已經引起其他佳麗嘅不滿，更加認為佢係擦鞋拉關係，當時更有周刊指佢受到無線特別照顧，令佢非常唔適應。
1981年港姐(網上圖片)
雖然最後佢順利奪冠軍，但當她代表香港到紐約參加環球小姐時，有三藩市讀者越洋爆料，指羅佩芝參選港姐虛報年齡，無線經過審慎考慮後決定取消其冠軍資格，並由亞軍勞錦嫦補上。羅佩芝多年後提起，指佢當時唔係有心虛報年齡：「我媽當年移民美國被問話，要證明9個孩子都是她親生的，要她背我們的出生日期，結果媽媽就少報了一年零一個月，而我選美的時候是用美國護照。」
相關新聞：【81年香港小姐】狄寶娜摩亞57歲少女心不滅 曾深愛賈思樂分手亦是朋友
{{hket:inline-image name="37fbc93e-f71f-46a4-ac63-e503a2b052cc.jpeg"}}{{/hket:inline-image}}
(《恩雨之聲》截圖)
雖然係無心之失，但都令佢星途大受影響，佢指當時自己有諗過喺美國跳橋自殺，幸好最後一刻臨崖勒馬，亦多得家人同男友鼓勵佢先捱得過。
做過一碟歌手。(網上圖片)
後來，羅佩芝加入娛樂圈發展但星途浮沉，拍過電影、電視、又出過唱片(87年曾推出國語專輯：好大的風)。80年代末返回三藩市定居，並與青梅竹馬的男朋友結婚。佢形容一開始退出五光十色嘅娛樂圈並唔習慣，做明星嘅時候佢英、法、新加坡、荷蘭等多地走埠，生活多姿多采，佢更形容當時嘅自己貪慕虛榮。
青梅竹馬嘅老公最愛佢心地善良。(《恩雨之聲》截圖)
後來佢同先生3年半生咗3個仔，忙到再冇時間諗舊時嘅生活，之後佢又有9年投入搞服裝生意，喺生意起飛嘅時候佢選擇專心湊細路，但佢表示可以陪住3個仔成長一啲都冇後悔。
(《恩雨之聲》截圖)
羅佩芝依家係一名虔誠嘅基督徒，淡薄名利，亦返璞歸真，為佢嘅社區做中文教師同做義工。
撰文：黃蘊姿