惠英紅姜皓文《鐵探》黃金拍檔合體 新冠疫情阻開拍演員等埋班

無綫近日熱播嘅《法證先鋒IV》有口皆碑，有指無綫食住個勢再拍經典劇集系列，相隔21年開拍《刑事偵輯檔案V》，更有傳惠英紅(小紅姐)會再次回巢助陣。小紅姐以天價回歸再拍劇，同舊年《鐵探》嘅黃金拍檔姜皓文（黑仔）、袁偉豪合體。不過據知佢哋合作嘅並唔係《刑事偵輯檔案V》，而係時裝偵探劇《解離日記》。

{{hket:inline-image name="qq.jpeg"}}{{/hket:inline-image}}

(東星娛樂)

《晴報》聯絡到小紅姐，佢指暫未收到劇本，但暗示如果有好劇本就會拍。網民熱切期待呢個組合強勢回歸！

{{hket:inline-image name="www.jpeg"}}{{/hket:inline-image}}

好期待再見到小紅姐演技大爆發！(《鐵探》劇照)

據知《解離日記》係以美劇形式拍攝嘅偵探劇，黃智雯受訪時亦曾透露，下月尾將開拍時裝劇，合作演員包括紅姐及黑仔，相信所指嘅就係《解離日記》。

{{hket:inline-image name="r.jpeg"}}{{/hket:inline-image}}

唔知黃智雯加入會擦出咩火花？(東星娛樂)

小紅姐年初憑《鐵探》首奪《萬千星輝頒獎典禮2019》最佳女主角，如果佢再替TVB拍新劇，蟬聯「視后」都真係唔出奇！小紅姐回覆本報時透露︰「唔清楚住，我現時都未收到劇本，依家太多流言！（今年會返TVB拍劇？）暫時未有消息公布，成日都有呢啲傳言，總之有好劇本我就會拍！」佢直認現時正留港休息，更指TVB埋到班就會通知佢，睇怕都好大成數！

相關新聞：《鐵探》結局收視達33點 惠英紅姜皓文絲襪笠頭找數

{{hket:inline-image name="g.jpeg"}}{{/hket:inline-image}}

(網上圖片)

{{hket:inline-image name="e.jpeg"}}{{/hket:inline-image}}

袁偉豪都有份！(《鐵探》劇照)

紅姐直認工作都受新冠肺炎疫情影響︰「之前好多嘢因為疫情延後咗，所以真係唔知，要再睇檔期！」
《解離日記》監製關樹明就直認現時正籌備劇集，並稱︰「因為每天可能都有變化，所以要到落實才公布！（卡士落實？）因為未齊，暫時未有公布！」

撰文：黃蘊姿