【愛回家李莫仇】張詩欣做《法證先鋒IV》秘書認唔出？ 收入唔穩定 有型仔大隻男友撐住

《法證先鋒IV》今晚（27日）就大結局，不知道大家有沒有留意到高安（黃浩然飾演）身邊那個斯文正經的秘書Polly呢？原來她就是憑《愛．回家之開心速遞》「島大女魔頭」李莫仇彈起的張詩欣！

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="11.jpg"}}{{/hket:inline-image}}

(TVB電視截圖)

然而好多網民都話不認得，事關她在《愛回家》飾演醜女，常對熊心如（蘇韻芝飾演）、Bonnie（林凱恩飾演）等美女同學惡言相向，又對朱凌凌（吳偉豪飾演）癡心一片，嚇怕很多男同學；但相反，她在《法證先鋒IV》就成為高安得力助手，曾經幫他安排一切，讓他去台灣找侯敏莉（鄭希怡飾演），勁大反差。故網民紛紛大讚她不戴眼鏡如變了另一個人，好靚女，也讚賞她成功演繹不同角色。對此張詩欣接受本報訪問時笑言：「網民唔認得我都唔介意，我覺得係好事，證明李莫仇深入民心，都證明我可塑性好高，醜、淡定嘅角色都做到。」

{{hket:inline-image name="13.jpg"}}{{/hket:inline-image}}

(TVB電視截圖)

29歲的張詩欣入行5年，演出過多達57套劇集，曾演足3輯《愛回家》，亦曾於《四個女仔三個Bar》中演援交少女備受注目。張詩欣就話自8歲已當佘詩曼是偶像，不但因為她發演員夢，入行後還一直視她為目標，覺得她的內心戲很出色，所以想挑戰做次奸角：「我都希望開拓到唔同路線，造型、角色上都有唔同嘅發展。如果可以想做啲心計重啲，試吓做奸角。」

雖然成功入屋，但張詩欣曾講過做藝人收入很不穩定，試過做餐廳侍應、馬會為生，坦言銀行戶口月月清，很難儲錢。媽媽見到當然擔心，不過仍未曾叫她放棄夢想，最重要是哥哥姐姐幫忙主力照顧家庭，爸爸亦叫她做開心的事就可以，令她安心：「未去到好辛苦，哥哥畀1,000蚊我，姐姐畀500蚊我做津貼，當係車費。因為家人嘅支持，我先捱到今日。」

{{hket:inline-image name="17.jpg"}}{{/hket:inline-image}}

(張詩欣instagram截圖)

另外張詩欣也說：「要多謝監製畀李莫仇我做，最後要多謝我男朋友，佢肯體諒我嘅人工。」原來，張詩欣與男朋友已拍拖3年，對方比她大11年，任職攝影師助手，常幫她影靚相，出街也會津貼她使費，讓她不用帶銀包。張詩欣就話已把對方當作結婚對象，但現時以事業為先：「未咁快結婚，大家儲吓錢先，再睇吓有冇機會再爆吓，唔急。」張詩欣男朋友有型大隻，二人不時結伴打籃球，被問到「朱凌凌」吳偉豪還是男朋友比較靚仔，她怕醜笑言：「咁一定係朱凌凌靚仔啲嘅，但我男朋友都有佢成熟嘅男人味！」

{{hket:inline-image name="16.jpg"}}{{/hket:inline-image}}

(張詩欣instagram截圖)

{{hket:inline-image name="15.jpg"}}{{/hket:inline-image}}

(張詩欣instagram截圖)

▼男朋友有跟TVB藝人，如張景淳、羅天宇及其他網紅打開籃球

{{hket:inline-image name="14.jpg"}}{{/hket:inline-image}}

(張詩欣instagram截圖)

撰文：張芷晴