現年57歲嘅狄寶娜摩亞（Deborah ）參加1981年度香港小姐競選，最初只得到「青春小姐」嘅名銜，不過後來峰迴路轉，冠軍羅佩芝因虛報年齡而被取消資格，狄寶娜摩亞就順序躍升成為當屆季軍，而青春小姐則由陳敏華替代。
（網上圖片）
狄寶娜摩亞為英中混血兒，深邃嘅輪廓，再加上講到流利粵語同英式英語令佢喺娛樂圈頗吃得開。狄寶娜摩亞讀幼稚園時親生母親已經患癌去世，狄寶娜摩亞對佢嘅印象模糊。後來佢就由同樣都係中國裔嘅後母湊大，而「狄寶娜摩亞」呢個中文名字亦係後母喺佢參選港姐時，以荷里活明星羅渣摩亞為藍本，將佢嘅英文名翻譯為狄寶娜摩亞。
（網上圖片）
狄寶娜摩亞曾經傳同湯鎮業發展地下情，不過最為人所記得嘅係佢同賈思樂嘅一段情。緋聞多多嘅賈思樂就曾經講過對狄寶娜摩亞有愧疚：「對狄寶娜摩亞，我傷咗佢嘅心，佢好鍾意我，但好多原因唔可以一齊。」佢形容二人似兄妹多過情人。
（狄寶娜摩亞Facebook）
不過二人再見亦是朋友，賈思樂指二人依家係知己，佢有時去到加拿大會去佢屋企住，而佢同狄寶娜摩嘅丈夫都成為咗好朋友。
（狄寶娜摩亞Facebook）
狄寶娜摩亞自言依家反璞歸真，注重心靈的滿足多於物質享受，即使大減價都未必想買：「家中的還可以用，何必多一件東西要 take care？我寧願好好的 love the things I already own。」
（狄寶娜摩亞Facebook）
1993年狄寶娜摩亞退出香港娛圈嫁人，現已入籍加拿大，並長居於溫哥華，佢同兩個細佬妹依家生活於地球嘅不同角落，但每年總會抽空共聚，父親喺8年前去世，令佢更加珍惜同家人嘅相處機會。現時佢母親長居巴黎，但佢每星期都會同佢通電話，感覺聽到媽媽嘅聲音佢就會安心啲。
（狄寶娜摩Facebook）
狄寶娜摩亞有一個秘密願望就係可以住喺在夏威夷，做一個享受陽光與海灘嘅「 island girl」，年過半百嘅佢心底仍然住咗一個少女。
（狄寶娜摩亞Facebook）
撰文：黃蘊姿