《愛回家之開心速遞》昨日舉行盛大的宣傳活動，一眾演員以運動裝示人，齊齊做運動抗疫。大會正式歡迎陳浚霆再次回歸劇組，亦意味著「龍璟風」一角將會在劇集中重現。陳浚霆表示：「好開心可以返嚟呢個大家庭，人人問我返嚟係人定鬼，監製話我係唔似人又唔似鬼嘅人！我有三個願望，第一希望可以同爸爸龍敢威（羅樂林飾）修補關係，第二係想同熊家繼續有好關係，第三係《愛回家》可以繼續長做長有！」
相關新聞：《愛回家》風少千呼萬喚有望回歸劇組 陳浚霆：大家幫我集氣啦
（圖片：《晴報》圖片）
（圖片：《晴報》圖片）
（圖片：《晴報》圖片）
活動上，大會安排劇中多對熒幕情侶一齊做瑜伽動作，挑戰一下大家的默契，除了張景淳和呂慧儀、許家傑和林淑敏、單立文和湯盈盈、周嘉洛和林凱恩外，陳浚霆和蘇韻姿都獲安排成為一對，莫非意味著兩人早於130多集時的曖昧戀情將會愛火重燃？
陳浚霆同蘇韻姿一齊接受《晴報》訪問，陳浚霆表示：「聽日正式開工，好開心見返呢個拍檔，大家啱傾又啱玩，拍檔得好開心。我睇電視追劇情，睇到熊心如有好多不同曖昧感情線，睇到我個心幾酸，好似感覺見到前度同另一個一齊咁，希望網友們可以集集氣支持我哋做CP，等我哋編劇同監製知道，畀風少同心如可再續情緣啦！」他直言過往的日子有不少網友都追問他何時返《愛回家》，今次總算有個交代。
蘇韻姿笑言：「心如拍拖生涯真係好峰迴路轉，我同風少起初曖昧到一個位，佢又突然拋棄我，依家佢返嚟我好開心，因為網民成日都會CAP返最初個劇集片頭出嚟，我同風少對望個畫面。各位，心如單身好耐、dry咗好耐，係時候喇！」
相關新聞：《愛回家》網友票選最喜愛熒幕情侶 「龔水」激鬥「蓮輝」邊對會贏？
（圖片：《晴報》圖片）
（圖片：《晴報》圖片）
（圖片：蘇韻姿IG）
提到不少網友建議風少不如直接演龍家三太白天娥（樊亦敏飾）的囝囝Joe，陳浚霆說：「我知，我未正式開工時見到樊亦敏，佢都叫我演佢個仔，不過同風少一樣樣，會唔會好怪呀？唔得啦，我想做返風少，咁可以熊家同龍家兩邊走。其實我事前都有去錄影廠探班，慢慢適應返個拍攝生活，問題係龍生比起我以前壯大咗好多，關係愈來愈複雜，呢方面我要適應吓。」蘇韻姿笑稱連風少的最好朋友啤啤都已經多次換狗，看來要慢慢適應，風少說：「咁大家又集集氣，叫劇組搵返始祖啤啤返嚟拍啦！」
(圖片：鄭世豪IG）
撰文：楊安莉