《愛回家之開心速遞》昨晚一集「AV姊妹花」為不少觀眾帶來驚喜，劇中香港島大學校花Venus（鄺潔楹飾）和接龍集團尋寶圖員工Anita（梁茵飾）原本是完完全全不相往來的兩個角色，終於揭發原來是兩姊妹。事緣George（張明偉飾）誤會Venus背叛男友池子孝（阮政峰飾），於是暗中調查，沒想到跟蹤到Venus所住的屋苑時遇到Anita，Anita知George針對妹妹，於是呃對方用錢收買她的罪證，George傻更更被蒙在鼓裡。雖然如此，但劇集尾聲似乎是製造機會讓George同Anita成為劇集的新CP。
相關新聞：《愛回家》播放3周年收視繼續高企 細數10個劇中你可能不知道的秘事
（圖片：《愛回家之開心速遞》電視截圖）
（圖片：《愛回家之開心速遞》電視截圖）
（圖片：《愛回家之開心速遞》電視截圖）
（圖片：《愛回家之開心速遞》電視截圖）
（圖片：《愛回家之開心速遞》電視截圖）
（圖片：《愛回家之開心速遞》電視截圖）
（圖片：《愛回家之開心速遞》電視截圖）
（圖片：《愛回家之開心速遞》電視截圖）
其實「AV姊妹花」一直以來都是《愛回家之開心速遞》的秘事之一，由兩個角色的最初設定，已經是兩姊妹，但經歷過800多集最終才能夠相逢。其實這個伏線早已有不少蛛絲馬跡，兩姊妹同樣是超級拜金港女，熱愛名牌和愛有錢人，性格非常近似。劇組工作人員都在社交平台分析說：「隔咗咁多集終於可以為大家介紹：江家姊妹花！ 眼利嘅開心速遞fans其實一早就聞到味，好多蛛絲馬跡由第88集開始鋪排！」
第88集: Venus話同家姐同婆婆同住。
第270集: Anita話佢個妹俾個奇怪嘅阿伯鬧。而同集Venus就係無啦啦俾根叔鬧佢玩電話。
第281集: Anita話細個阿媽就將佢同個妹擺低咗俾阿婆照顧，而佢改名前係叫江百合。
第723集: Venus本護照裡面嘅中文名係江百慧。
相關新聞：《愛回家》揀池子孝棄佐治？ 同鄺潔楹演對手戲一定要拉筋
（圖片：鄺潔楹IG)
（圖片：張明偉IG)
鄺潔楹接受《晴報》電話訪問，她表示：「我第一次聽到Venus同Anita係兩姊妹係好耐之前嘅事，劇組導演有同我講，網友猜測我哋係兩姊妹，網友真係好醒，留意到劇情嘅細節位，因為我哋角色家庭背景好似，都係被婆婆湊大。一直等到底幾時相認呢？終於等到800幾集，揭曉我哋係姊妹關係。」
鄺潔楹表示跟梁茵合作得好開心，而她們的婆婆（馮素波飾）亦將會回歸劇組，拍攝不少她們一家人的戲份，她說：「之前都係大學生活同埋阿孝之間感情戲多，依家相認咗就可以多啲屋企戲，拍咗好幾集，都幾多火花，大家可以期待一下。私底下我同梁茵聯絡都係以姊妹相稱，感覺好似多咗個姐姐咁，傾吓女仔扮靚嘢咁。」
不過原來真實生活之中，鄺潔楹比梁茵還要大一年，不過角色定位關係，Anita是已經出社會工作的人，而Venus仍是大學生，不過兩位都是細細粒嬌小的女生，演兩姊妹最合適不過。梁茵受訪時表示：「係呀，不過我個樣可能成熟少少啦，我唔會難受呀，角色入面我出嚟做緊嘢嘛，好正常，不過往後劇情有家庭線，亦會解釋到點解我性格咁拜金，其實係迫不得已。」
(圖片：《晴報》圖片)
(圖片：東星娛樂)
撰文：楊安莉