85歲羅蘭換膝蓋手術後忍痛開工 保持健康早餐堅持食兩樣食物

新冠肺炎肆虐，羅蘭姐除了開工和補給糧食，其餘時間都留在家中抗疫，每次到街市，都會買足一星期需要的糧食慢慢吃，盡量不外出。羅蘭姐去年七月做完換膝蓋手術，雖然已經大半年，不過身體還未完全康復，有時膝蓋都會隱隱痛，但她仍堅持開工拍劇，她笑言：「有工開個人先精神！」不過劇組監製都錫住羅蘭姐，開工收工全程的士接送，非常照顧她！

相關新聞：羅蘭有印度血統後生索到爆 獨居多年 85歲仍單身竟然因為...

{{hket:inline-image name="5f258beceb21cb16cd4837f99699dca4.jpg"}}{{/hket:inline-image}}

（東星娛樂）

羅蘭姐現在每日都要做簡單腳操練力，訓練肌肉。她說：「做完都大半年啦，但傷口到依家仲痛，扯住扯住咁。我之前有去九龍醫院做物理治療，但係而家疫情咁樣，都唔敢去覆診住，惟有喺屋企自己郁動下手腳。物理治療治療師有教我喺對腳綁沙包，之後舉高對腳，訓練返肌肉，我都有照做。」

{{hket:inline-image name="55.jpg"}}{{/hket:inline-image}}

鄭丹瑞在網絡節目《健康旦》電話訪問羅蘭姐（YouTube影片截圖）

羅蘭姐除了勤力做運動加快康復速度，她更透露為保持身體健康，每天早上食麥皮都堅持不放鹽或糖等調味，另外都會食雞蛋。

{{hket:inline-image name="te.jpg"}}{{/hket:inline-image}}

（YouTube影片截圖）

{{hket:inline-image name="rd.jpg"}}{{/hket:inline-image}}

（YouTube影片截圖）

她又稱現在自己經常留在家中，時間變多，但也很多事情可以做，不會無聊，例如替衣服換季。羅蘭姐又呼籲各位「老友記」，疫情嚴峻，最好岀不要經常外出：「依家就係執嘢嘅好時機，打開個衣櫃，由最下面嘅櫃桶開始整理，你會發現有好多衫冇著過。另外碗櫃都可以整理，如果個發現有啲碗三年都冇用，咪考慮下捐畀有需要嘅人，咁你話喺屋企點會悶呢？大把嘢可以做啦。」

撰文：羅慧怡