搭巴士遺亡兒出世紙及葬紙 港爸苦尋3日放棄：可能係天意叫我哋放低

一名港爸周二（10日）晚上搭九巴路線61X往屯門期間，不慎遺下放有兒子出世紙及葬紙的背囊，心急如焚地在網上發帖急尋失物。雖然獲大批善心網民幫手推文，就連九巴也在Facebook發帖代勞，惜港爸至今仍未尋回失物，最終與另一半決定放下，放棄尋找，今日（13日）凌晨留言感謝網民幫忙，並呼籲「大家要珍惜眼前人」。

該名網名為「膝頭哥唔食辣椒醬」的港爸，周二晚在討論區「連登」發帖表示，當晚7點半左右搭61X，當時坐在上層由尾數上前第3行靠走廊位置；到屯門轉車站落車，約5分鐘後轉乘其他車到屯門市中心時，發現自己在61X上遺留了「好舊logo都甩埋」的黑色adidas背囊；他隨即向九巴公司報失，並在屯門市中心的巴士總站查詢，並登上疑似涉事巴士搜尋，惜已不見背囊蹤影，相信背囊已被人取走。

隨後，大批網民紛紛為他推文並轉發消息，而九巴翌日亦在Fb上發帖號召助尋失物。港爸對於此事自責不已，不斷留言道歉：「對唔住，求下大家……」、「對唔住，唔該晒大家。」、「由頭到尾都係我唔好，大家唔好安慰我。」

至今日（13日）凌晨零時許，他再度留言表示，「好多謝大家嘅幫手，今日（昨日）去埋荃灣搵都冇，應該真係已經消失咗，」

可能係天意叫我哋放低，所以我哋都決定向前望。畢竟只係一張紙，但我哋同仔仔嘅回憶會永遠留係心入面。最後好多謝大家推咗咁耐，但唔需要再推了，大家要珍惜眼前人，抓緊同愛嘅人相處嘅每一分每一秒。

撰文：李凱晴