《法證先鋒IV》第四個單元故事圍繞蘭姨（黎燕珊飾）尋子的故事，昨晚終於揭發到原本蘭姨有兩個兒子，尋回的弱智人士浩仔（楊潮凱飾）是親生哥哥因姦成孕的「孽種」，而另一個麟仔的屍體卻被意外發現被藏在水泥入面，死因未明。當蘭姨將自己過往不堪的經歷一一道出時，實在是非常悲慟的故事。黎燕珊上星期五的一集甫出場，就與失去25年的兒子楊潮凱相認，珊姐超素顏老妝令人幾乎認不出來，加上喊戲感人，已經獲得網友的讚許，直至昨晚一場自首認罪的戲份，在醫院病床上的13分鐘多的告白，多次以淚洗面自認做錯，導致悲劇發生，睇到人心都酸。
相關新聞：【法證先鋒IV】 楊潮凱扮智障人士演技大突破 專情男與初戀女友結婚做女兒奴
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
這次單元劇推出後，不少網民都大讚珊姐的演技喜出望外，她接受《晴報》電話訪問時說：「其實呢個故事拍嘅時候大家都好感動，因為蘭姨遭遇太慘，唔只我，監製小青姐（梅小青）每次剪接完都喊，我好感謝上天可以畀一個咁大嘅挑戰畀我去嘗試，我做過媽媽，一定會盡力去令角色發揮得淋漓盡致。」珊姐表示自己同樣是單親媽媽，代入角色時都有所幫助，她說：「同《多功能老婆》完全係差天共地嘅兩個不同角色，我好感恩有咁多機會去嘗試不同角色，今次幾乎冇化妝再刻意加少少老妝，好多身邊朋友都話嚇親，但我係完全唔介意，最重要係為個戲好，戲外大把機會可以扮靚靚見人，犧牲少少完全冇問題。」
相關新聞：《十二傳說》前夫「第三春」娶細30歲嫩妻 黎燕珊單親媽媽育仔女成才
(圖片：《法證先鋒IV》電視截圖)
(圖片：《法證先鋒IV》電視截圖)
提到多場的戲份都要爆喊，珊姐表示：「整個單元入面，我得兩場戲係唔使喊，其餘每一場都係喊，因為蘭姨實在太慘，而大家所見到嘅全部都係我100%真眼淚，我冇用人工嘢，全部都真情流露，就算要NG或者就唔同角色再演，一樣都係用真眼淚。」珊姐直言作為演員，慶幸獲委以重任擔當重要的角色，自己全力以赴去做，能夠得到觀眾的欣賞和關注，她感到非常開心，珊姐笑言：「大家一路追劇情，記得帶備紙巾。」
(圖片：《法證先鋒IV》電視截圖)
(圖片：楊潮凱IG）
撰文：楊安莉