TVB《法證先鋒IV》正在熱播，最新單元「偽造影片案」講到商界闊少黎駿宇（陳少邦飾）邀請敏莉（鄭希怡飾）合作，鄭希怡穿著陳少邦所贈的晚裝赴會，卻慘被對方當場羞辱，其後陳少邦更偽造影片上傳到網絡，扭曲事實變成鄭希怡主動色誘。有唔少觀眾睇到咬牙切齒，話陳少邦演出的闊少好賤格、好乞人憎，係娛樂圈捱足20年，星路浮浮沉沉，今次成功引起大家討論，都係好事！
相關新聞：【法證先鋒IV】湯洛雯短時間重拍戲份表現獲讚 細數劇中五個「星二代」演員
{{hket:inline-image name="84720173_185631279332352_359189324647229317_n.jpg"}}{{/hket:inline-image}}
個樣奸到！(影片截圖)
{{hket:inline-image name="f.jpg"}}{{/hket:inline-image}}
鄭希怡慘比陳少邦玩弄(影片截圖)
{{hket:inline-image name="fzz.jpg"}}{{/hket:inline-image}}
(影片截圖)
陳少邦未入行前參加過《Yes!》校花、校草選舉，1999年加入TVB藝員訓練班入行，同林峯、楊怡同屬第十三期。於TVB工作咁多年，陳少邦大部分時間都係演配角，最多戲份的作品，要數2004年的《赤沙印記@四葉草.2》，曾演上男三。
在《還來不及再愛你》飾演殭屍男三（微博圖片）
雖然一樣奮鬥20年，但相比林峯同楊怡呢兩位一線花旦與小生，陳少邦始終徘徊3、4線，佢仲試過比人嘲笑「TVB冇線演員」。坊間評論藝人，如果係當紅小生、花旦，會歸類做一線藝人，唔太紅又記得名，就叫「二、三線」，「冇線」真係同隱形人一樣。不過因為呢個難聽的稱號，都令陳少邦更加努力奮鬥。
陳少邦已經結婚有家庭（IG圖片）
終於佢係2012年決心轉投王維基的香港電視，在劇集《還來得及再愛你》飾演頭號奸角Marcus，原以為可以創出一片天，點知港視不獲發牌，令佢打回原形，其後陳少邦試過北上發展，不過唔算順利。已經結婚的佢為養家，之前更豁出去，接拍由真人真事改編的電影《有罪》，演出色魔台灣富二代李宗瑞。
電影《有罪》破格演出(影片截圖)
(影片截圖)
陳少邦近年重返無綫，覺得演出機會較以前多，劇集一部接一部，除了現在播出《法證先鋒IV》，還有《逆天奇案》等住播。陳少邦話希望好似陳山聰咁樣，遇到《金宵大廈》呢種好劇，令事業可以反彈：「我都有睇《金宵大廈》，希望有機會參與續集，咩角色都不介意，最重要有得做。」
回巢即刻機會處處，劇集一套接一套！(IG圖片)
(IG圖片)
撰文：羅慧怡