【法證先鋒IV】香港小姐陸詩韻錯愛有婦之夫匿埋9個月 一法解救人生危機 變女強人攞獎

《法證先鋒IV》中，陸詩韻飾演息影復出的女明星殷紅，一開始在劇中被記者影相，原來正是呼應《法證先鋒II》的角色，同樣有穿泳裝影相的劇情。相隔12年，她的外表也沒有大改變，她接受傳媒訪問表示沒有整形，成功凍齡全靠飲食及改善生活習慣，包括早上飲豆漿、牛奶或鹽水，食麵包，下午飲湯，夜晚睡前飲蜜糖，以及不超過12點入睡。

{{hket:inline-image name="13.jpg"}}{{/hket:inline-image}}

(TVB電視截圖)

▼劇中，她幫老公黃祥興（飾演何志堯）掩飾負債財困的秘密，自己承受做外界箭靶，又幫他隱瞞其殺人兇手身份。

{{hket:inline-image name="14.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

陸詩韻畢業後曾任空姐，24歲參選2005年香港小姐競選，儘管因為牙齒不美被人身攻擊，但最後勇奪亞軍。2009年，她入行僅2年就突然離巢，息影從商，她解釋當中因由：「我覺得娛樂圈冇乜安全感，掌握唔到，唔係話我做戲叻就有工作，好被動。我屋企做生意，我就諗輸咗都係自己嘅事，起碼我可以掌握到。」

{{hket:inline-image name="15.jpg"}}{{/hket:inline-image}}

(東星圖片)

其後陸詩韻跟家人學做製衣生意，怎料於2013年，陸詩韻被拍得與男人汶萊伴遊，當年她即向「港姐之母」陳紫蓮（19年病逝）求救，向記者澄清他是她的大馬未婚夫，兼貿易公司拍檔吳銘偉。然而該男人被揭早有家室，還是「老千商人」，陸詩韻不旦蒙在鼓裡，還被對方騙了當公司借貸擔保人，孭上過萬百巨債，人財兩失。

當時她接受傳媒訪問自認沒帶眼識人，雖然還清債務，但她匿在家中9個月，不願見人，患上輕微情緒病，陷入人生最低潮，她坦言：「感情事業等如零，自信心跌到貼住地下！怪自己點解咁蠢，冇保護自己，呢樣嘢對我傷害最大，以前提起個傷口仲痛，好痛苦，出街懷疑人哋笑我。」最後，陸詩韻向心理醫生求醫，亦有再找陳紫蓮傾談，幫她渡過難關。

▼陳紫蓮

{{hket:inline-image name="16.jpg"}}{{/hket:inline-image}}

(東星圖片)

2015年，陸詩韻涉足飲食界，同時創立網購平台，代理日本護膚產品，不過她曾在報章訪問中透露得不到藝人幫忙宣傳產品，故花過百萬成立自家謢膚品牌。近年，公司愈做愈大，獲香港中小型企業商會頒發獎項。雖然陸詩韻已是老闆一名，但仍會回TVB拍劇，終在2018年憑《宮心計2深宮計》宋王妃一角彈起。去年，陸詩韻報讀香港公開大學課程，同時拍劇、做生意、讀書，實行做女強人。

講到感情狀況，有傳陸詩韻多年情史都沒好結果，如富商曾文能、林炳昌、朱明等都是來頭不少的男人，被封富豪殺手，但她解釋：「希望有經濟能力係正常，我釣金龜使乜咁辛苦做。」至於擇偶標準，她就說：「可能大10年，離過婚我都唔介意，我覺得佢會識照顧我，外表我都冇問題。」惟她表示不會心急找對象。

{{hket:inline-image name="20.jpg"}}{{/hket:inline-image}}

(陸詩韻instagram截圖)

撰文：張芷晴