43歲敖嘉年今年初宣布結束同無綫嘅22年賓主關係，尋日佢喺社交平台發布自己返電視城清Locker(儲物櫃)嘅相，非常依依不捨。
其實喺2016年，敖嘉年已經同無綫由經理人合約改簽部頭合約，之後逐漸將工作重心轉移到大陸，今年更索性離巢發展。
(敖嘉年Ig圖片)
敖嘉年早於1998年簽約為無綫電視經理人合約男藝員，而佢喺無綫電視嘅第一個工作就係做《城市追擊》嘅節目主持。
敖嘉年尋日喺儲物櫃中搵出當年《城市追擊》嘅外景背心，都百感交集，又指當初完約時，公司仍有搵佢參與一部今年開拍嘅劇集，但無奈與舞台劇、電影撞期，於是他索性嘗試出外闖闖。
(敖嘉年Ig圖片)
敖嘉年去年尾就泊埋高志森碼頭，主力做舞台音樂劇，最新演出《天涯歌女》仲有老闆黃百鳴現身劇本圍讀。4月9-11日音樂劇《天涯歌女》喺香港上演。
(高志森微博)
不過佢仍懂得飲水思源，感恩無綫嘅栽培。敖嘉年由清水灣年代已經加入無綫，非常唔捨得一齊成長嘅台前幕後人員：「不過都覺得出去睇下係好嘅，總有機會返去(無綫)拍嘅，因為呢個係我娘家，除非我唔做又或者死咗啫。」
相關新聞：【奸角出頭】敖嘉年捱足22年配角離巢無綫 周身刀北上發展不忘做義工行善
《巾幗梟雄》(電視截圖)
敖嘉年1999年參演佢嘅第一套劇集《封神榜》，飾演「木吒」一角。之後都拍咗多套劇集，但一直未有喺觀眾腦海留下深刻印象。
敖嘉年(右)演木吒(網上圖片)
直至2009年喺電視劇《巾幗梟雄》 飾演敗家仔「蔣必文」一角而人氣急升，亦在《萬千星輝頒獎典禮2009》上勇奪「飛躍進步男藝員」，亦入圍「最佳男配角」最後五強。其後再喺《巾幗梟雄之義海豪情》中飾演單純善良嘅「排骨仔」而再次獲得好評。
撰文：黃蘊姿