劇集《法證先鋒IV》播出以來叫好又叫座，昨日一眾演員出席宣傳活動時，監製宣布劇集首集的七天跨平台總收視高達37.1點，超過200萬人收看，成績非常之好，絕對是TVB近年以來最好的收視成績之一。
劇情昨晚講述繼續查證「石灘小丑伏屍案」的期間，在海邊發現一具被真空袋包實的女屍，屍體身份正是何志堯（黃祥興飾）的情婦趙潔如（謝芷倫飾），以往女屍都是由替身上陣，沒想到今次鏡頭多番拍到真空袋入面，見到由謝芷倫親身演出，在密不透風的真空袋入面動也不動，絕對是非常辛苦，難怪連李施嬅也在Facebook留言大讚：「其中最深刻的一場戲。#死屍唔易做#專業的演員#法證先鋒4」
相關新聞：《愛回家》博士事隔一年單拖回家鬧情變？ 網傳3月孖Mandy重返劇組
(圖片：李施嬅Facebook 截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
(圖片：《法證先鋒IV》電視截圖)
劇中因捲入富商的三角關係，惹來殺身之禍。(圖片：《法證先鋒IV》電視截圖)
謝芷倫接受《晴報》電話訪問，她表示：「今次係演其中一個case嘅人物，第一次演死者，做埋屍體，全程都係我自己親身上陣呀！喺真空膠袋入面其實唔辛苦，因為安全問題，抽真空後，我只係閉氣幾秒，就會開翻個膠袋，就抖到氣。事前有專人試過喺膠袋入面抖到氣，傾好點樣喺膠袋入面溝通，係可行同安全，喺工作人員監視下我先開始綵排嘅，所以係安全嘅，不過觀眾千奇唔好亂學呀！」
謝芷倫透露拍攝在真空袋裡的戲有不少，部分仍未播出，印象中單是海邊的外景已經在膠袋入面瞓足個幾鐘，她說：「喺膠袋入面嘅戲，我係打開眼嘅，抽真空後膠袋貼住全個人，連眼球都貼住個膠袋受壓，好逼真。其實開頭都驚，唔知點樣控制呼吸，不過試咗好多次之後都習慣咗，而且溝通好晒，好放心去拍。」
她表示拍攝當日喺戶外對正個大太陽，袋入面乾蒸難免會有水蒸氣，所以感覺很侷促，她說：「好感謝照顧我嘅幕前、幕後同事，佢哋好照顧我，驚我侷親，幫我『撥涼』，又畀枕頭我墊住個頭，畀水我飲等等。佢哋好緊張我，驚我危險，又有演員幫我撐起個膠袋畀我抖氣，劇組好有愛啊！」
要瞓喺條街郁都唔郁成個幾鐘，實在令人佩服。(圖片：《法證先鋒IV》電視截圖)
瞓喺膠袋入面仲要被人慢慢研究。(圖片：《法證先鋒IV》電視截圖)
連眼妝都一絲不苟。(圖片：《法證先鋒IV》電視截圖)
相關新聞：【多功能老婆】李英濤老練外表演顏成功老爸 60歲退休後始入行追尋第二人生
謝芷倫在《愛回家之開心速遞》中飾演大小姐的秘書林美香而廣為觀眾認識，更跟馬貫東成為熒幕情侶，後來謝芷倫因接劇而暫別《愛回家》，不少觀眾都大感不捨，今次謝芷倫在劇集中犧牲靚靚的容貌，全身化屍妝，雙眼又反白，非常可怕，絕對表現出專業的一面，她說：「過最緊要出嚟效果逼真同埋好睇，辛苦啲都唔緊要。」
（圖片：謝芷倫IG)
撰文：楊安莉