近月以來，新冠肺炎疫情持續擴散，人人自危不敢外出，零售業更成為重災區，不少食肆、零售店舖陸續結業，或出現「裁員潮」，連帶藝人投資的店舖生意都下跌，好似謝霆鋒的曲奇店門市早前就宣布結業，改為網購。雖然香港經濟轉差，但娛樂圈都有好多好老闆，緊張員工的健康，同時又堅持不裁員放有薪假，古天樂就係咁！
（東星娛樂）
古天樂投資的酒家最近暫停營業，更著管理層在停業期間給員工享有薪假期，亦絕對不可以裁員。其實該酒家的生意一直不錯，但古仔考慮到疫情愈發嚴重，為員工同顧客着想，決定暫停關門，若果情況有好轉，估計3月初會重開。古仔更表示：「依家經濟咁差，幫得一個得一個，我能力頂得到，一定會護住啲員工飯碗。」
其實古仔除酒家外，連同製作公司、經理人公司及後期公司合共有逾500名員工，他在「疫市」中真的養起不少家庭，絕對是好老闆！在古仔手下工作咁幸福，難怪姜皓文都出post在社交網大讚他：「要向我的好老闆致敬」！
相關新聞：【同心抗疫】聞年長藝人防疫用品不足照開工 古天樂急撲2萬口罩解燃眉之急
（FaceBook圖片）
（FaceBook圖片）
古仔不單對自己員工好，自疫情開始佢一直好關心香港市民。現時香港各界口罩短缺，而「古天樂慈善基金」特地在全球搜購了130萬個外科口罩！今個星期就會率先派第一批50萬個，經由社福機構、自助組織、宗教社區服務中心等，捐予全港18區有需要人士，口罩會優先送給長者、殘障及復康人士，仲有低收入同有特殊需要小朋友的家庭。古仔是真正的香港善心男神，認真唔話得呀！
（東星娛樂）
至於張柏芝在中環經營的時裝店，原來一月中本港爆發疫情初期，她已經下令員工放有薪假留家休息，因為員工的安全、健康先最緊要。柏芝仲好貼心咁提醒大家，就算返舖頭打掃，都要選擇人流較少的時段外出。時裝店至今停業差不多一個月，舖租加上職員的薪酬，至少要用六位數字，即張柏芝變相每月要「硬蝕」六位數！
相關新聞：【交通大混亂】張栢芝照出中環開舖sell客 內地鐵粉堅持幫襯仲要帶埋呢樣嘢
（微博圖片）
而絕世好老闆柏芝，亦帶頭做足良好示範，自己由上月21號開始，跟三個囝囝留家「避炎」，極少外出。閉關一個月，小朋友在家難免會悶，昨日柏芝終於帶二仔Quintus出街透透氣，去玩具反斗城買玩具，等個仔開心下。不過佢哋都做足保護措施，兩母子戴上口罩，柏芝更架上大型墨鏡，Quintus用10分鐘極速買完玩具後，就用消毒噴霧噴手，二人坐車時再噴乾淨鞋底，非常仔細！
（影片截圖）
（影片截圖）
（影片截圖）
（影片截圖）
撰文：羅慧怡