【亞視忠臣】劉錫賢親爆跳槽無綫被嫌一樣嘢 278磅曾患重病 秋生米雪爭住幫

新冠肺炎（武漢肺炎）疫情擴散，「肥仔賢」劉錫賢日前到天水圍向基層市民免費派發10,000個口罩，他說：「疫情下演藝界都受到唔少影響，不過要以市民健康為首要條件。」其實劉錫賢身體曾經有事，今次無懼寒冷天氣做義工，真的令人感動！

劉錫賢今年58歲，曾應徵TVB編劇獲聘用任撰稿員，後來報考首屆香港演藝學院戲劇系（導演），1988年加入亞洲電視，代表作有《吳耀漢攪攪震》、《我來自潮州》、《縱橫四海》 。其後亞視虧損連年，但劉錫賢主力做主持，效力達28年，直至欠薪事件才引用《僱傭條例》第10A條停約。期間試過接拍過三級片，也曾於《唐伯虎點秋香》做「四大淫俠」。

{{hket:inline-image name="15.jpg"}}{{/hket:inline-image}}

(廣告影片截圖)

{{hket:inline-image name="16.jpg"}}{{/hket:inline-image}}

(亞視電視截圖)

{{hket:inline-image name="17.jpg"}}{{/hket:inline-image}}

(電影截圖)

2018年，劉錫賢接受《1圈圈 星光背後》訪問，大爆曾欲跳槽去TVB遭嫌棄，他說：「低潮時想走，幾次試過與TVB傾過，但冇下文，冇見過樂易玲。亞視出事前，我搵好朋友搭路，點知回覆係：『佢嗰陣亞視味好重！好難洗！』對方講咗呢啲說話後，萬綺雯、江美儀、陳煒都入晒TVB，哈哈。」他談到末代亞視老闆就抱怨話﹕「我覺得王征害死亞視係真嘅，佢抱負或者好大，但佢做法唔係常人可理解。」

另外，劉錫賢亦公開自己重達278磅，常做身體檢查﹕「因肥胖患咗恐病症，係憂鬱症一種，經常以為就快死。我有糖尿病、高血壓、高膽固醇，有諗過減肥，減一吓放縱咗，又肥番。工作太多，唔食嘢會無力，一定要食！」

去到2019年，他有4條心血管閉塞，要做「通波仔」手術，通1條要港幣12萬，幸好推入手術室前，醫生叫他出院，只需減肥。後來劉錫賢指自己日行萬步，終由278磅減至263磅，但過程辛苦：「要行咁多真係人生最辛苦嘅事，依家夜晚唔食碳水化合物、少食多餐、每餐食酌量、行路咁減。」而且，他表示黃秋生有即時推薦私人營養師，而米雪就教他水煮食物方法，同食中藥進補，咁就「藥箱都變首飾箱」啦！

{{hket:inline-image name="19.jpg"}}{{/hket:inline-image}}

(商業電台YouTube截圖)

故此，劉錫賢愈來愈活躍社區活動，身體愈漸健康。早前，他拍攝新戲《食人狂魔》飾演鹹濕老闆，為性騷擾戲份，要又攬又錫新人彭詩然，連續NG 10次，他大呻拍親熱戲是真錫，不會借位，又要一鏡直落，又要就機位，很不享受︰「我寧願2樓跳落嚟仲舒服。」對於同時奪去兩人的「第一次」，劉錫賢即澄清是首次摸同錫而已，又笑指早已跟老婆備案︰「同佢講我做色魔，傳咗左擁右抱嘅相佢睇，她回我『艷福無邊，慢慢享受』，唔知要唔要跪玻璃。」

{{hket:inline-image name="18.jpg"}}{{/hket:inline-image}}

(《晴報》圖片)

撰文：張芷晴