王菲與第一任前夫竇唯於1997年誕下大女竇靖童，二人1999年離婚。2002年，竇唯與攝影師高原再婚，再生咗女兒竇佳嫄（又名竇家媛）。竇佳嫄同家姐竇靖童一樣都遺傳到爸爸竇唯的音樂天賦，出道做歌手仲發行過專輯，雖然人氣不及家姐竇靖童，但亦有一班忠實Fans。
竇靖童（左）與妹妹竇佳嫄（網上圖片）
竇靖童與竇佳嫄雖然係同父異母姊妹，亦冇一齊生活，不過二人感情要好亦不時聯絡，竇佳嫄都視童童為偶像，不時喺社交網分享同姐姐嘅合照。但最近竇佳嫄嘅微博冇再出現佢同其他人嘅合照，取而代之係一啲比較負面嘅語句，寫滿晒「不開心」，「時間可以衝(沖)淡一切，但有時時間也解決不了一些問題」等。
上載嘅圖片感覺都好陰沉。（竇佳嫄微博）
2月12日，竇佳嫄開直播同網友傾偈，承認心情唔好：「也不是最近了，我心情不好已經持續很久了」。佢否認係因為感情問題：「最近沒有談戀愛，但感情也分很多種，這個我不方便講。」
（網上圖片）
佢仲透露自己減咗26磅，仲一度引發厭食症，之後又開始暴飲暴食，依家體重回升番少少。直播期間佢一直唔肯除口罩，另外有網民發現佢手腕有四撻奇怪疤痕，但就唔知係點樣造成，令人非常擔憂。
手腕奇怪疤痕。（直播截圖）
竇佳嫄仲話自己生活中冇朋友，係個「無趣的人」，朋友就是酒同音樂，年僅17歲嘅佢仲喺直播期間「即席」隊酒。
（直播截圖）
有網民問到佢同爸爸竇唯有冇聯絡，竇佳嫄答話佢哋唔係成日見面：「最近和姐姐竇靖童也沒有見面……最近和誰都聚不了。」顯得有啲落寞，佢仲話自己「只是一個普普通通的小女孩」，唔知係咪演藝事業為佢帶嚟太大壓力。
竇靖童（左）與竇佳嫄感情要好。（網上圖片）
竇佳嫄（右）與其母高原。（網上圖片）
撰文: 黃蘊姿