《愛．回家之開心速遞》中「島大女魔頭」李莫仇是精算學系高材生兼學生會副會長，外表醜陋，內心更醜陋，但接受《晴報》訪問後才讓人發現她真人是身材很好的孝順女！
劇中，李莫仇因前度迷戀Venus（鄺潔楹飾演）而跟自己分手，因此曾打算向她潑卸妝液來報復，最後失敗。後來因酒醉摸到某個男同學而芳心暗許，在校內大搞摸胸查乳癌活動欲找當事人，令很多男學生感到屈辱。得知對象為朱凌凌（吳偉豪飾演）後，李莫仇為親近他而加入電影學會，被其拒絕求愛後打算以「島大十三傳說」騙其就範，惟被朱凌凌保護，免於受傷。
另一方面，李莫仇很妒忌Bonnie（林凱恩飾演）、Venus、Candy（葉蒨文飾演）的美貌，故實施「美女附加費」來懲罰。對於與朱凌凌日後發展，張詩欣表示：「我為咗朱ling咩都肯做，又會𠱁吓佢，又會兇吓佢，又會利用佢身邊啲朋友，嚟緊呢幾集唔知幾時播，大家留意我同佢之後情歸何處！」
(TVB電視截圖)
(TVB電視截圖)
29歲的張詩欣入行5年，8歲睇完1997年香港小姐競選決心入行：「佘詩曼小姐好靚，佢選完去探患病小朋友，個小朋友好鍾意佢。嗰刻我覺得做藝人幾好，可以用自己感染力幫到身邊嘅人，同時覺得藝人可以搵到好多錢，可以買樓買車養活屋企人。」她抱著這個想法，直到23歲鼓起勇氣入TVB藝員訓練班。
(TVB電視截圖)
張詩欣一家5口，父母是上班族，常不在家，加上哥哥與姐姐比較熟，故早年與家人關係疏離，後來才理解家人的重要：「17歲先同家姐傾偈，大個啲同到哥哥傾，依家廿幾歲先同父母關係親密啲... 我成日覺得自己獨立一個，但其實大家都好錫我。」的確父母很在意她，當初她公開想做藝人的想法，媽媽很擔心，她說：「成日講娛樂圈係大染缸，佢驚我學壞。」
真正入行後，張詩欣做新人收入很不穩定，那時候家人的支持就為她打下強心針：「我有積蓄，但捱唔得好耐，哥哥畀1,000蚊我，姐姐畀500蚊我做津貼，唔使開工就唔出街。」
(受訪者提供)
(受訪者提供)
(受訪者提供)
(受訪者提供)
如今張詩欣參演超過30套劇集，曾在《四個女仔三個Bar》中演援交少女，備受注目。有人批評她外表，亦有人讚她身材好，她表示有睇網上留言：「網民最多都係話我唔靚，但係我冇唔開心，做呢行冇人留意先更加唔開心。我會樂觀啲去睇件事，有人講我個角色，啫係佢有睇。連登網民對我好好，我好多謝佢哋。」
TVB出名拍劇辛苦，但張詩欣就認為演員是個很被動的職業，指等有劇拍、等埋位才是最辛苦：「1、2個月冇開工...真係好辛苦，好折磨，公司係咪已經唔記得咗我？」不過張詩欣坦言會堅持下去，望日後回饋家人：「想屋企人住得舒服啲，想畀多啲家用屋企人，想話畀佢哋知我生活好好，唔使佢哋擔心，最好當然畀到現金佢哋睇吓啦！」
(張詩欣instagram截圖)
撰文：張芷晴