全球受武漢肺炎疫症侵襲，嚴重打擊經濟，除了做生意的商人，一班藝人也首當其衝，收入減少。
本身開設娛樂製作公司的Bob林盛斌，就坦言好多廣告工作要暫停，10多名員工留在家中工作，沒有打算裁員或放無薪假期：「工作上面都會有啲打亂咗，但呢個時候我會同公司嘅員工一齊同舟共濟渡過難關。」至於演藝方面，他表示2月的春茗司儀工作都有取消或延期到4、5月，坦言收入縮水：「可以話係零收入，好彩自己仲有啲投資，有積穀防饑習慣...公司同屋企都要用，搣搣吓就冇，好快入肉見骨，我都瘦咗喇！」
(Bob instagram截圖)
雖然Bob要養起一家6口、工人姐姐加成間公司，不過Bob就覺得金錢上的損失在所難免，命仔較重要：「唔好睇失去幾多，反而覺得呢個時期陪家人。」好彩他的3個囡囡都好乖。近日他上載她們在家做電子功課的相片，揭發家中學習區有如圖書館自修室，背面滿滿的教材同學校很相似。
(Bob instagram截圖)
(Bob instagram截圖)
Bob同一家人自2018年從3,000呎加多利山豪宅，搬到九龍塘3層獨立屋。早前C君、陸永等人到阿Bob居所為黃翠如慶生，眾人於飯廳中合照仍大有空位，非常寬敞。C君就爆料指，阿Bob家中有9個工人，聘有管家，又指合照地方只是他家裡的「廚房一角」，並笑指他似香港版蝙蝠俠，屋企大過地球：「除咗Bruce Wayne之外，佢係我唯一認識有管家嘅人。」
過去，Bob曾多次與家人於豪宅合照，可見客廳有大梳化、電視、飯枱、露台；之後就到飯廳，飯枱大到要使用轉盤，是聚會的地方；入去囡囡的房間之前有於學校才見到的置物櫃；至於主人房的空間，內裡設有大衣櫃，非常闊落。
(Bob instagram截圖)
(Bob instagram截圖)
(Bob instagram截圖)
(Bob instagram截圖)
其實除了Bob在各界撈到風生水起，做主持、司儀、演員及娛樂公司收入豬籠入水，Bob嫂黃乙頤原來仲做埋「神婆」，學貫中西玄學，自稱懂通靈、塔羅、風水、紫微斗數、奇門遁甲占卜，還會製作自家出品的靈氣香皂，靠自己做玄學女強人。據知，她通靈一次約45鐘，收費580元；而塔羅占卜約30分鐘，則收費350元。兩公婆愈搵愈多，相信他們有非常豐裕的儲蓄捱過這段日子！
(Bob instagram截圖)
撰文：張芷晴