台灣天后張惠妹(阿妹)出晒名顧家，本身係原住民嘅阿妹因為家人唔慣住市區，所以佢就係台北買咗佔地逾500坪(逾1.7萬平方呎)嘅豪宅，阿妹曾喺社交網Post一張大草地嘅相，留言：「終於在台北找到像台東的家！」不過屋企嘅真實環境佢就一直都收得好密。
(圖片：東星娛樂)
相關新聞：【武漢肺炎】陳浩民豪宅中招全家自我隔離 盧惠光與去世患者係街坊嚇餐懵
不過日前阿妹好友、知名音樂人崔惟楷喺自己嘅IG Post咗5張超誇張嘅豪宅內部相，雖然佢冇開名係阿妹屋企，但據悉該處就正係阿妹從未曝光嘅超級豪宅。該豪宅2011年推出時開價每坪85萬新台幣 (約22萬港元)，整個建案僅5戶獨幢別墅，最高單戶索價4.7億新台幣，即係約1.2億港元，曾係「新北市最貴別墅」。
落地大玻璃，同自然融為一體。(ig 圖片)
別墅以「主客雙幢樓」概念嚟規畫，區分主人同客人的使用空間，且佔地超過500坪(約17,800平方呢)。別墅被無敵山景環抱、鄰近森林保護區的清幽環境，隱密度極高，正正啱晒知名度極高嘅阿妹。
真係靚到離晒地。(ig圖片)
友人曬出嘅相係1、2樓嘅公共空間，包含面對山景的大草原、放有躺椅的戶外庭園空間、掛有水晶燈飾嘅會議室，仲有大片落地大玻璃嘅客廳，似足樓盤廣告咁誇。而3、4樓則是阿妹嘅起居室等私人領域，佢朋友就未有Post相顯示箇中乾坤。
相關新聞：【美味天王】首屆視后關詠荷為張家輝犧牲事業退隱 住過億豪宅教女有方 半百素顏仲好靚
此屋只應天上有。(ig圖片)
示範單位？(ig圖片)
一張飯檯嘅燈，已經係小編屋企燈飾嘅總和。(ig圖片)
阿妹朋友崔惟楷事後靜靜Del Post，但阿妹嘅「離地」豪宅已經引嚟唔少人羨慕，幾多人打幾世工都未必買得到呀！
撰文：黃蘊姿