TVB全新旅遊節目《仨心友行》邀請了陳敏之、高海寧、陳凱琳結伴出遊馬來西亞，體驗當地風土人情；嘉賓們還會真情對話，流露真我本性。最新一集旅程中，3位女主持邀得好朋友楊明同行，遊歷吉蘭丹州。
節目中，陳凱琳先與陳敏之到當地很出名的地道市場，血拼一番，買磁石貼特產；楊明、高海寧都在市場搜購食材與特色小食。後來，陳凱琳、陳敏之試包粉紅色頭巾，陳敏之一見陳凱琳包頭就讚：「哎呀你好似結婚呀咁樣！好似印度西施！我成日都覺得你太靚，點算？」，當地婦女都大讚包頭後的陳凱琳好漂亮。而陳敏之就選了一條橙紅色頭巾，陳凱琳就笑言：「你知唔知你似邊個？你似小紅帽！」陳敏之建議二人一同推銷頭巾，最後反應理想，很多途人蜂擁而至。
(TVB電視截圖)
(TVB電視截圖)
(TVB電視截圖)
其後，一行人登船前往停泊島。當地度假村設有不同裝飾、主題的酒店房間，4人玩猜包剪揼抽房匙分房。本來他們打算一齊睇房，怎料製作團隊表示時間太短，大家還要拍攝玩水上活動，一起睇房很浪費時間，要求他們各自離開。陳敏之聽罷即說：「我唔知喎，原來好遠㗎？」陳凱琳：「但係咁點呀？同番大家匯報嘅話，我哋又唔知個分別，如果我哋冇一齊睇。」楊明此時欲作「和事佬」，想出一個折衷的解決方面：「邊間近呀？」
(TVB電視截圖)
(TVB電視截圖)
陳凱琳再跟導演商量，但無法達成共識，高海寧、陳敏之即黑面：「我唔明，我哋依家唔傾，即刻去睇咪得囉！」楊明又再提出另一個方法，表示分開逐一拍攝即可節省時間，但陳凱琳、高海寧、陳敏之就反駁，這樣做節目效果未夠吸引：「淨係畀觀眾睇？我哋一啲反應都冇？唔似真人騷囉！如果你話係草屋，我哋講：「嘩點解你喺度？」，咁都有啲反應吖。」然而製作團隊直斥：「好嘥時間！」陳凱琳大聲責罵：「你覺得嘥時間！但出到嚟冇呢個效果，就係冇呢個效果㗎嘛！」高海寧都幫拖，雙方發生衝突，氣氛凝重。
(TVB電視截圖)
(TVB電視截圖)
(TVB電視截圖)
楊明第3次建議，3位美女企硬，再遭到導演拒絕，陳凱琳憤而大叫。陳敏之又有新看法，但高海寧崩潰：「點呀你，好攰呀？」陳凱琳斥責：「你可唔可以聽吓我？」
(TVB電視截圖)
(TVB電視截圖)
最後楊明揭發有不妥，最終洞悉她們設計整蠱的真相。原來陳敏之與陳凱琳走到一邊扮爭執時，高海寧衰偷笑。陳敏之否認戲屎，解釋只是因為大家太熟，故好難騙到人。
(TVB電視截圖)
撰文：張芷晴