武漢肺炎持續蔓延，香港人人自危，不少市民為撲口罩通宵排隊、廢寢忘餐，甚至見到有人在街頭暈倒就極度焦慮。ViuTV推出新節目《今日疫情》找來感染及傳染病科專科醫生林緯遜以及精神科專科醫生麥棨諾做嘉賓。麥醫生表示，由於資訊比較混亂，加上市民沒有全面知識，就會形成恐慌。除了全面講解選擇口罩，醫生們也破解坊間一些關於清潔衣服及家居的謬誤。
(ViuTV電視截圖)
(ViuTV電視截圖)
(ViuTV電視截圖)
(ViuTV電視截圖)
(ViuTV電視截圖)
1. 回家是否要以1比99漂白水消毒衣服？
林醫生：「其實一般衣物我哋用番平時洗衣機嘅方法，每日洗衫，多啲清潔已經足夠，但如果去過醫院之後，可以先用1比49嘅漂白水去浸衣物30分鐘，再洗都得。如果唔常洗嘅衫就要放喺通爽地方，擺1至2日先再洗佢。」
2. 天然消毒水製造器─氯酸水殺菌好過用漂白水？
林醫生：「漂白水其實係氯酸水類似嘅化學物質，我哋用番家用漂白水就ok」
3. 民間自製口罩是否真的真係有用？例如橙皮、果皮、蒸餾水樽、衛生巾、尿片。
林醫生：「可能有相當保護性，無可否認，但講緊幾個月大家都咁用，唔係咁實際。」
麥醫生：「唔單止影響自己健康，最大問題會影響其他人仿效，如果真係冇辦法，少出街。」
(ViuTV電視截圖)
(ViuTV電視截圖)
(ViuTV電視截圖)
(ViuTV電視截圖)
4. 本來有呼吸道疾病或長期病患，是否要用最高防禦效果的口罩，保障愈大？
林醫生：「如果用太高規格嘅口罩，例如N95，反而會令透氣唔暢順，外科口罩已經足夠。」
5. 過期而未開封的口罩能否使用？
林醫生：「口罩本身係阻隔作用，佢唔會有化學物品在裡面，亦唔會好易過期，不過一般口罩出廠大概3至5年，物料會冇咁好，所以隔咗10年咁耐最好唔好用。」
(ViuTV電視截圖)
6. 如果買不到口罩，可否用消毒過的毛巾遮擋？
林醫生：「布唔夠跣水，阻隔效能唔好，毛巾濕水後容易滋生細菌，所以並唔建議使用。」
(ViuTV電視截圖)
撰文：張芷晴