武漢肺炎疫情擴散至全球，由於中國感染人數多、香港及澳門的確診個案亦陸續上升，不少國家都已經決定禁飛，其中菲律賓政府實施旅遊禁令，禁止中國內地、香港及澳門的旅客前往菲律賓，同時禁止菲律賓公民前往三地，導致原本打算返鄉度假幾日的菲傭都滯留在菲律賓，無法返港。藝人區永權昨晚接受《東張西望》訪問時表示自己家傭正是受影響的其中一分子，他表示：「預計昨日返來，收到電話是禁飛，起初以為是航空公司的問題，原來是手持菲律賓護照的人都不可以飛來香港。依家小朋友停課，惟有由太太全職照顧，而我返工時間就比較彈性，唔需要工作就留喺屋企做『湊仔公』。」
相關新聞：【各施各法】傅嘉莉日本掃二千口罩被抨擊 李佳芯婉拒饋贈：畀有需要嘅人
(圖片：《東張西望》電視截圖)
(圖片：區永權Facebook）
(圖片：《東張西望》電視截圖)
區永權表示曾經考慮過要求家傭轉飛其他地方再轉飛香港，但由於疫情變化大，他有責任確保外傭的安全，所以暫時「傭入家中」將會「上映無期」，他在Facebook笑言：「凡事兩面睇，仲要極度正面咁睇，對區太而言，最安慰嘅，就梗係有個人可以暫時成為『姐姐』嘅愛的替身，幫手⋯⋯做！家！務！老老實實，諗起可以做家務，都真係好興奮！」
香港外傭顧主關注組召集人徐曉彤表示已經有數百名菲傭求助，最大影響的正是父母雙職家庭，而需要受照顧的老人家亦非常令人憂慮，她寄語政府能夠插手，聯絡當地政府酌情處理勞工返港的安排。
相關新聞：【武漢肺炎】鄺文珣仔女畫心意卡為醫護打氣 黃浩然吳雨霏帶全家行山「抗炎」
（圖片：阮民安Facebook)
（圖片：阮民安Facebook)
（圖片：阮民安Facebook)
（圖片：阮民安Facebook)
另外，藝人阮民安在Facebook透露成功入貨購入來自韓國和印尼製造的口罩，他不打算售賣，而將會免費派發給香港市民，他表示：「我唔係大財團，大公司，我只係一個平凡嘅香港仔！大家一路對我嘅包容，愛，我一路都感受到，永世難忘！所以喺演唱會前夕，已經託唔同地方嘅朋友，入定口罩，希望有機會可以幫到有需要嘅手足！」派發的詳情如下：
派籌時間：下午5點(派完即止)，
取口罩時間：下午7點-9點(限有籌者)。由於印尼口罩無獨立包裝，請各手足自備保鮮袋！
派籌及取罩地點：
Explorer Fusion Restaurant
沙田石門安群街3號 京瑞廣場一期G10地舖
阮民安派發口罩有附帶條件，大家出發前請參考他的Facebook貼文：https://www.facebook.com/Tommyekids/
撰文：楊安莉