武漢肺炎肆虐，香港連日嚟都出現口罩「慌」，連帶其他防疫用品如酒精搓手液都非常短缺。唔少藝人都諗計自保，連傅嘉莉（Kelly）新年期間去日本旅行都變咗搜購口罩大行動。Kelly旅行期間一直有留意住香港新聞，初時香港未有咁缺貨，都只係買咗一、兩盒口罩，後來見到新聞話一罩難求，好多親友都嗌晒救命，佢同家人就邊行邊買，但發現大阪所有藥房都冇口罩同消毒用品。Kelly同家人有兩晚通宵冇瞓，喺藥房門口等到凌晨三、四點上完貨，先買到口罩同少量消毒用品。
(圖片：傅嘉莉IG）
相關新聞：多次維護黃文廸傅嘉莉仍遭離棄 呂慧儀幸得張景淳man爆反擊
藥房變「景點」
Kelly同家人夾埋掃咗近2千個口罩，全程行得最多都係藥房，原來本安排晒景點同餐廳都因為買口罩令傅家行程大亂。不過Kelly「掃口罩」就引嚟網民抨擊，指摘佢咁樣買法會搞到當地人都買唔到，做法令香港人蒙羞。
李佳芯遠離煩囂
而身在香港嘅李佳芯(Ali)日前自爆冇晒口罩，但就話「唔出街就好」，有粉絲話送口罩同消毒搓手液畀佢，佢都婉拒話：「麻煩留給有需要的人用。」個個都Like爆佢人美心善。尋日佢終於出關去咗行山呼吸新鮮空氣，不過Ali發現落山路段有唔少棄置口罩，呼籲大家自己垃圾自己帶走，齊齊做好自己本份！
（圖片：李佳芯 Facebook）
（圖片：李佳芯Facebook）
莊思敏入錯貨
莊思敏（Jacquelin）就大愛share口罩畀朋友：「現在這個比黃金更重要。今日幸運地買到幾盒，把2盒送給劇組同事。這個時候分享很重要。」不過有網友就發現佢買嘅係活性碳口罩，阻擋唔到病菌同病毒，戴咗都冇乜防護功效，真係好人都唔易做呀！
（圖片：莊思敏 IG)
「賈名媛」派發自製搓手液
另外，《愛回家之開心速遞》中嘅「賈名媛」邱芷微（Chelffy）旗下嘅健康產品公司免費派發自家製嘅酒精搓手液，唔少網民都讚佢好有心。
相關新聞：《愛回家》賈名媛吐苦水做主持被人蝦爆喊 網友挖出當事人係蔡康年
（圖片：邱芷微 IG)
（圖片：邱芷微 IG)
（圖片：邱芷微 IG)
撰文：黃蘊姿