【武漢肺炎】男子突然暈倒旺角站月台引恐慌 「鬼王」潘紹聰揭露：雙手舉高向後拗腰

由新型冠狀病毒引起的武漢肺炎疫情蔓延至本港，令市民憂心忡忡。近日不少網民上載多張港鐵站內有人暈倒的相片，懷疑事主是肺炎患者，造成人心惶惶。今日下午大約3點半，「鬼王」潘紹聰途經旺角港鐵站月站，準備上車時就目睹一名男子已暈倒在地上。

{{hket:inline-image name="11.jpg"}}{{/hket:inline-image}}

(潘紹聰facebook截圖)

{{hket:inline-image name="14.jpg"}}{{/hket:inline-image}}

(潘紹聰facebook截圖)

雖然未見到最初事發經過，不過潘紹聰就見到身旁的女目擊者向港鐵職員示範男子其暈倒過程，就此事，潘紹聰接受《晴報》訪問詳述：「晏晝3點半，咁啱要上車之前，見到有個男人突然暈低咗，冇意識瞓咗喺地下，仲有幾個人圍住佢。圍住佢嘅人係2、3個港鐵職員，我見唔到佢哋有任何防護裝備。個暈低咗嘅男人唔係後生，係中年到阿伯咁，個目擊者就係女人。雖然我睇唔到佢暈低嗰刻，但個女人就示範咗畀啲港鐵嘅工作人員睇，就係雙手舉高，向後拗腰，先向後跌，個頭著地...佢應該係失平衡跌落地。

我見到即刻影相，但咁啱有車上，所以上咗車先，車上面都有人影咗相，我之後喺網上都見到佢係同我同一樣影嗰個人。我一直喺網上面都見到有人話疑似肺炎而暈倒，點知今次第一次親眼見到，好驚訝。我唔知係咪肺炎引起，唔知點界定，唔知點算。」

▼另有2名網民當時在現場另一角度拍攝

{{hket:inline-image name="5.jpg"}}{{/hket:inline-image}}

(潘紹聰facebook截圖)

對於武漢肺炎疫情，潘紹聰都覺得比沙士嚴重，他說：「2003年沙士爆發嗰陣，科技冇咁發達，依家信息好快，一張相，一個whatsapp就傳得好勁，加上聽新聞講數字已經勁過沙士，所以疫情比上次嚴重好多。以前沙士我冇戴口罩出街，但依家唔得喇，成件事好恐慌。我都係準備口罩、搓手液，日日戴一個口罩！」

最近入境處和衞生署至今巡查500多間酒店，找到大約50名來自湖北的人士，而潘紹聰如今正暫居酒店，對此他表示會加以小心：「我唔可以唔出街，因為要返工，但酒店真係高危。我唔知酒店裡面有咩人，佢哋咩人都接嘅，多人出入，比家居更加高危，真係要特別小心。所以我平時出入搭lift唔會直接用手撳，會用卡輔助，同埋盡量唔會喺酒店食，就算喺街食都會盡快離開。」

{{hket:inline-image name="13.jpg"}}{{/hket:inline-image}}

(潘紹聰facebook截圖)

撰文：張芷晴