張兆輝在《黃金有罪》中飾演為錢不擇手段的商人榮木桐，劇集以70至80年代的老香港作為背景，現年58歲的他當時正值人生盛年，加入無綫藝員訓練班之後，由低捱起。在木屋區成長的他從來沒想過做明星，投考文員失敗之後，誤打誤撞入行演戲，一演就已經37年。他說：「中學畢業打算考文員，當時文員月薪七百元，仲記得佐敦道碼頭坐油麻地小輪去灣仔碼頭，《黃金有罪》都有類似嘅一幕戲，所以拍攝時我好回味，當時嘅我初出茅廬，戰戰兢兢拎住公文袋去見工，點知去到間公司，張長凳坐滿面試嘅人，心知排隊都輪唔到我，印象仲好深刻。」
在老師的建議之下，張兆輝投考訓練班，畢業後由閒角捱起，一步一腳印，他說：「人生豈能盡如人意，我拍《天龍八步》嗰陣，一日入面我死足四次，次次都係一刀埋嚟就死，轉背面、化個老妝又扮另一個人又死，後來多得珍姐曾勵珍安排我去《香港八五》演順嫂個仔阿鏘，演兩年之後就接拍《神勇CID》同埋《黃金十年》。」
相關新聞：【黃金有罪】張兆輝股海蝕千萬靠咩翻身？ 細女初長成似初出道鍾嘉欣
(圖片：《晴報》羅灝駿攝)
(圖片：TVB《黃金有罪》劇照）
(圖片：TVB《黃金有罪》劇照）
(圖片：《晴報》羅灝駿攝)
《黃金十年》張兆輝與兩位女主角劉嘉玲和戚美珍有不少對手戲，廣為觀眾熟悉，當時更有指他的成就將可媲美劉德華。當時業如日方中，卻偏偏遇上一場致命的交通意外，打擊形象之餘，張兆輝的事業一度陷入低潮。經歷過高低起跌，張兆輝學會看淡一切，他說：「喺我心目中冇咩高峰，當年公司叫我簽五年約就拍《黃金十年》，係畀到安全感我。不過呢一行入面，如果你覺得自己到咗高位，咁你點先再有進步呢？我唔會畀自己定位，演藝係無止境。」
《黃金十年》與戚美珍有錯縱複雜的感情戲。(網上圖片)
《神勇CID》的演出令不少觀眾留下深刻印象。(網上圖片)
劇集男女主角的人數不多，更是機會難求，被動的演員總是容易懷才不遇，張兆輝說：「你要求啲咩，都要先要求自己，老竇成日話就算乞食, 都唔好行差踏錯。依家小朋友好心急，我哋出道時咪一樣，有啲嘢係急唔嚟，我都想一出道就做主角，即刻去荷里活拍巨片，但你係咪有咁嘅能力先？就算畀機會你，都未必做到，有啲事要按步就班，吸收經驗之後，踏實去做，進度可能會慢，但當機會嚟到嘅時候，有實力就點都走唔甩。」
相關新聞：【黃金有罪】文雪兒修復失婚之痛終尋真愛 「兩個女感情觀比我仲成熟」
(圖片：《晴報》羅灝駿攝)
(圖片：《晴報》羅灝駿攝)
張兆輝人生最重要的黃金十年，不是劇集或者電影上甚麼成就，而是他決定減產十年陪子女成長的決定，他說：「最大轉變係有小朋友之後，我成個想法同以前唔同，將家庭同小朋友放第一位。聽好多前輩話同小朋友相處只有十年機會，十年之後佢哋有自己世界，想陪都冇得陪。嗰十年我放棄拍劇，只係接咗幾部電影，冇咁忙就可以成日返屋企，照顧一對仔女。」那十年期間，張兆輝做廿四孝爸爸，接送子女返學、放學，因而建立十分之好的親子關係，他說：「十年時間好快過，我慶幸有做到呢個決定，陪伴佢哋嗰十年，影咗好多相同短片，呢段時間係錢都買唔到。」
(圖片：東星娛樂)
(圖片：張兆輝微博)
(圖片：張兆輝微博)
(圖片：張兆輝微博)
(圖片：張兆輝微博)
撰文：楊安莉
攝影：羅灝駿、楊嘉傑
髮型：Kel Fung@HH hair.nail
化妝：雷淑賢（大哥賢）