有「泰國通」之稱嘅旅遊達人胡慧沖（Roger），近年發展順風順水，佢挾泰國通之名同無綫合作無間，搞笑又奔放嘅形象仲好入屋。不過佢喺成為旅遊達人之前都有唔少辛酸。亞視出身嘅佢任職幕後人員，有時要出埋鏡，不過就有不愉快經歷：「試過有次明明同嘉賓拍預告片，最後cut咗我。我問自己係咪真係咁醜樣，所以咪試做另一啲嘢！」
（胡慧沖Facebook）
扮女人都得，冇底線搞笑。（胡慧沖IG）
結果有次經過槍舖，見到陳嘉上執導嘅《飛虎》招募演員，膽粗粗去試鏡，之後就開始涉足電影圈，包括《賭神3之少年賭神》。不過發展始終都係唔如意，之後都冇人搵佢：「人生做過就算，不在其位，不謀其政。」
菲律賓賭神同黎明、吳鎮宇戰到最後，一句「留番對手嚟揸波」成為經典。(《賭神3之少年賭神》截圖)
（胡慧沖IG）
胡慧冲於1990年第一次踏足泰國，參加咗一個平價泰國團，12日都只係索價2千幾蚊，但佢從此之後就愛上泰國。其後數年內不斷出入泰國旅遊，努力喺香港夜校學習泰語。「一去就愛上，之後好似中咗毒，一放長假就去玩。之後因為多咗機會去泰國做嘢，最後得到一個認同。」
（胡慧沖IG）
泰國帶畀佢事業，佢亦有作出回饋，發生事故都會出手幫忙，1990年到泰國前當過義工，協助吸毒人士戒毒：「唔想人哋覺得我一有事就龜縮，冇事冇幹就飲飲食食。」2000年代起喺香港各傳媒專欄撰寫旅遊稿推廣泰國，在2000年獲泰國政府旅遊局頒受「Friends of Thailand」獎項。同年決定離開亞洲電視，唔再服務電視台。為了改變，他嘗試多方面發展，最後成功開展新的一頁。
（胡慧沖IG）
胡慧沖瞓身做「介紹泰國」嘅事業。不單寫旅遊書，仲要粉墨登場做真人show。當年未發明KOL（Key Opinion Leader）名詞，誤打誤撞，胡慧沖做咗香港初代KOL，喺大家不知internet為何物時已經起跑。
（胡慧沖IG）
撰文: 黃蘊姿