昔日「開心少女組」成員袁潔瑩（Fennie），因出演電影《開心鬼》系列爆紅，其後推出過唱片，又經常以反叛少女的形象出現於大銀幕，拍過唔少武俠電影，如《笑傲江湖》、《東方不敗》、《邊城浪子》、《蘇乞兒》等，俠女形象深入民心，大受年輕一輩歡迎。不過在事業高峰時，袁潔瑩卻突然患上厭食症，體重跌至77磅，樣子消瘦憔悴，令她的事業大受挫敗！
（東星娛樂）
袁潔瑩1985年在街頭被黃百鳴發掘，未滿16歲就加入娛樂圈，拍完《開心鬼》系列之後，90年代在TVB拍過唔少劇集，如《風之刀》、《烈火狂奔》、《闔府統請》，那時更是影壇出名的美少女。她說當時自己「唔識諗」，以為瘦就是美，有一段時間瘋狂做運動，兼每日只吃一個青蘋果，結果患上厭食症，到望到鏡中消瘦的自己才醒覺「唔正常」，決心要變回健康體態。
相關新聞：《開心少女組》陳加玲退隱生意瓣數多遍及四國 52歲同法籍男友拍拖唔急結婚
袁潔瑩在《開心鬼》中飾演「卑鄙會」會長，令人印象深刻。（網上圖片）
（網上圖片）
袁潔瑩已淡出娛樂圈多時，現時主要做義工幫助社會有需要人士，只偶爾出席活動和上節目。2018年她亮相《流行經典50年》後，有傳她有意「復出」拍劇，不過她其後直言自己好忙，如娛圈工作不妨礙到做義工的時間，才會考慮接，咁睇怕粉絲有排都望唔到佢有新作品！
2018年上過《流行經典50年》。（東星娛樂）
閒時都會出席活動。（東星娛樂）
50歲的袁潔瑩保養得很好，風韻猶存，不過還是單身，唔少人都想佢快點找到好歸宿。袁潔瑩情路坎坷，90年代與音樂人徐日勤拍拖，其後分手，之後跟富商劉鑾雄、郭富城、王傑等人傳過緋聞，可惜都未有修成正果。2005年，袁潔瑩跟名媛榮文蔚丈夫阮偉文的妹妹阮嘉欣傳出關係親密，可惜最後因性格分歧而關係破裂。
之前袁潔瑩生日，好姊妹溫碧霞、李若彤、柏安妮、葉蘊儀等人一齊為佢慶祝。（微博圖片）
（微博圖片）
撰文：羅慧怡