昔日嘅TVB童星的莊錠欣（Elkie）依家已經21歲，愈大愈靚嘅佢去咗韓國發展演藝事業 ,並成為女團CLC嘅領唱。日前莊錠欣無懼武漢肺炎喺香港嘅疫情嚴峻，趁農曆新年返嚟同屋企人度歲，仲趁機會搵老友敍舊，當中包括「哎呀阿媽」朱千雪（Tracy）。
相關新聞：【童星蛻變】莊錠欣成女團要員兼拍韓劇 網民呻走漏眼：港女係最正！
莊錠欣與朱千雪於2013年合作劇集《On Call 36小時II》而相識，當時仲係一臉青澀嘅莊錠欣係劇中Lokman（吳啟華飾）嘅女兒Yannis，而劇中朱千雪飾演嘅向芊兒同Lokman交往都係靠Yannis撮合。
（網上圖片）
（莊錠欣IG）
莊錠欣與朱千雪二人喺《On Call 36小時II》係「哎呀母女」，不過佢哋實際年齡其實只係相差10歲，所以兩人都冇代溝，私底下好好感情！
（朱千雪微博）
二人難得合體，朱千雪同莊錠欣都分別喺自己嘅社交媒體Post合照。朱千雪留言:「On Call 36 Hours 2 was my first drama, and she was only 13. 👩🏻 Now she is older, pursuing her dreams but still humble, kind and talented ❤️ So proud of you! 🌟」（《On Call 36小時II》係我嘅第一套劇，而佢（莊錠欣）當時只係13歲）。依家佢大個咗，正追尋佢嘅夢想，仍然係咁謙虛、善良同才華洋溢。真係好為你而驕傲！)
（莊錠欣IG）
而莊錠欣都連環Post相，話收到成為人妻嘅朱千雪第一年派嘅利是，仲話希望佢永遠都咁幸福添。
（莊錠欣IG）
唔少人見到佢哋冇戴口罩都好擔心，之後莊錠欣再出一個包到冚嘅Post，同時為醫護人員打打氣：「我有乖乖的😷大家都要注意身體、注意衛生！醫護人員們大家辛苦了💪🏻🙏🏻🙏🏻」去咗外地發展依然心繫香港，抵佢喺韓國再紅番返嚟呀！
撰文: 黃蘊姿