參選「香港小姐」是不少人的夢想，很多人從此踏上演藝之路，亦有人將光環成為事業上的踏腳石，轉行發展新事業，好似鄺美雲、胡美貽、譚小環都喺各自行業上發光發亮！以下幾個港姐的最新發展是如何呢？
1982港姐亞軍：鄺美雲
鄺美雲係美國寶石學院GIA研究寶石學家，2000年起創立個人珠寶品牌，歷年為多個大型設計比賽擔任評判，為表現出色嘅女企業家同專家，身家過億。另外鄺美雲曾獲選為江西省「十大慈善人物」、「感動江西十大教育年度人物」。現為56間鄺美雲中小學校的榮譽校長。
(TVB電視截圖；鄺美雲facebook page截圖)
1994年港姐冠軍：譚小環
譚小環喺2012年開始淡出，轉行開店賣街頭小食之後，收入比喺TVB做演員收入仲高，有傳年薪千萬。依家佢已經有3間分店，成為「魚蛋皇后」。
(TVB.com截圖；譚小環facebook page截圖)
1998年港姐冠軍:向海嵐
向海嵐曾因為厭倦娛樂圈，2008年拋下一切去上海擔任公關，引起劇迷嘅反對聲音。2015年，佢終於復出重投入演藝事業。
(TVB.com截圖；微博截圖)
2000年落選港姐：陳思齊
陳思齊一直都係飾演妹仔角色，喺2015年淡出後開始進修音樂治療同香薰按摩，之後做咗身心靈治療師，幫客人按摩舒緩痛症，佢仲唔介意人哋用「骨妹」稱呼自己。
(TVB電視截圖；instagram截圖)
2001年港姐亞軍：鍾沛枝
鍾沛枝發現自己喺演藝發展唔順利，決定去做空姐，底薪7000蚊，後來佢喺美容中心做員工形象指導，再轉到另一間美容公司做客戶服務Trainer。
(TVB電視截圖)
(鍾沛枝微博截圖)
2004年落選港姐：沈穎婷
沈穎婷演藝事業不如媽媽李影咁一帆風順，2009年淡出娛圈後佢做過馬會，仲曾喺酒吧推銷香煙，依家任職空姐。
(東星圖片；instagram截圖)
2005年落選港姐：袁彌明
袁彌明2007年離開TVB，之後從政，又開始做YouTuber教美容，迅速創立專門店「袁彌明生活百貨」，仲成立集團，近年轉主板上市。佢依家係董事會主席兼行政總裁。
(東星圖片；袁彌明facebook page截圖)
2012年港姐季軍：朱千雪
朱千雪係西門菲莎大學商業和傳理系學士畢業，2017年佢向TVB請假回歸校園，喺香港中文大學修畢企業傳播管理碩士課程，近年再於香港城市大學攻讀法律博士課程，近日有網民發現香港大律師公會網頁實習大律師裡面，有位名為朱千雪嘅女士喺Chambers實習，同之前有傳佢已獲全港5大律師行之一留位嘅消息一樣。
(東星圖片；TVB劇照)
2015年港姐冠軍：麥明詩
麥明詩喺劍橋大學法律系畢業，本來做主持幾好，但今年暫時淡岀娛樂圈，據了解佢已獲全球數一數二嘅麥肯錫跨國公司香港辦事處聘用，擔任商業顧問。有指她早前出席一個政商界公開活動時，已大派新卡片。
(東星圖片；麥明詩instagram截圖)
2017年落選港姐：胡美貽
胡美貽只得25歲但已經開過滷水食店、奶茶店，後來佢獲爸爸打本100萬，2年間逆市成為4間榴槤甜品鋪嘅老闆，而尖沙咀旗艦店更擁有2500呎，曾獲列入米芝蓮推介。最近胡美貽與朋友夾份，用700多萬喺馬來西亞買咗30畝田種「貓山王」榴槤。原來喺美國長大嘅佢係商業經濟學系學士畢業，爸爸喺當地經商，媽媽係醫生。
(東星圖片；胡美貽instagram截圖)
(胡美貽instagram截圖)
撰文：張芷晴