近日，葉佩雯與老公Eric Kwok郭偉亮飛去日本滑雪。身為圈中模範夫婦，二人常常分享甜蜜照片放閃，關係穩定。但20年的愛情路原來曲折離奇，郭偉亮曾經出軌，當時葉佩雯竟做出一個行為報復？最後他們又如何破解危機，維繫感情至今？
(葉佩雯instagram截圖)
就快40歲的葉佩雯於1997年被小室哲哉收為徒，與容祖兒、何嘉莉被合稱英皇三小花。往後4年，葉佩雯推出的大多歌曲均打上榜成冠軍歌，首張大碟銷量已達金唱片，另外她曾於《創世紀》第1、2輯飾演羅家良細妹，戲份頗重。之後葉佩雯漸漸淡出，同時與郭偉亮撻著。2011年，她與郭偉亮於演唱會結婚，婚後二人飼養多隻小狗。
(TVB電視截圖；網上圖片)
(東星圖片)
(葉佩雯instagram截圖)
直到2015年，葉佩雯與郭偉亮在王祖藍、李亞男的節目《蜜月到訪》自揭多年感情曾差點破裂。葉佩雯表示二人同居初期很難搞，透露自己情緒起伏大。郭偉亮認同她性格火爆，曾飛刀、剪刀和玻璃杯，讓他透不過氣，但他自己也會對她無故發脾氣：「佢隔日掟嘢，我哋隔日鬧大交，記得有次佢攞住刀望住我好似癲婆咁。我呢世第1次摑女人，我一巴星埋去叫佢醒吓。」
其後二人遇到最大危機，郭偉亮坦承當時對葉佩雯失去感覺，經常在朋友面前嘲笑她，終忍不住出軌：「做咗啲男人都想做嘅嘢，我冇做而結婚會唔死心...破壞信任，冇法彌補。」面對背叛，葉佩雯竟與另一位男士發生關係持續9個月來報復，郭偉亮承認那段時間很艱難：「每日諗佢真係出去做嘢，定又見嗰個人。」最後他們決定放下怨恨，重新愛上對方，葉佩雯表示：「一係分手一係一齊，唔信任到報復都要完全原諒。」
(myTV SUPER截圖)
儘管事過境遷，但此事對兩公婆都是一個心結，郭偉亮曾受訪自揭曾於劇集《短暫的婚姻》飾演出軌人夫，令他想起那段痛苦回憶，在鏡頭前哭得很慘烈，另外葉佩雯指至今仍有陰影：「我一離開佢身邊，佢就會不安。」
(ViuTV電視截圖)
直至近期，郭偉亮再接受傳媒訪問大談出軌理論：「男人唔出軌一係佢性需要好低，一係佢道德觀念好重，可控制自己。男人一定想同唔同女人繁殖下代，如老婆永遠發現唔到，100個男人都會做！」雖然他這樣說，卻堅稱不會再犯，可看AV解決。
(葉佩雯instagram截圖)
(葉佩雯instagram截圖)
郭偉亮補充已學會表達對老婆的愛，例如陪老婆傾偈、與女性保持距離，就算跟女演員拍床戲，都叫老婆監場，甚至實行「攝錢尋寶大法」，在家中不同地方放不同面值的港紙，只要老婆找到就送她，非常刺激；而葉佩雯也會盡賢內助責任。
▼「攝錢尋寶大法」
(示意圖)
撰文：張芷晴