滿福樓撈起帶子

灣仔會展中心香港萬麗海景酒店，中餐廳行政總廚孫錦勝師傅，經常製作既傳統又創新的各樣精美菜式，我等餐敘常選擇「滿福樓」。

豬年即過，金鼠獻瑞，眾友約聚滿福樓，嘗孫師傅賀年新菜。

首先上桌「撈起帶子」！孫師傅真講究，不因帶子比魚生片價貴，而是主角鯇魚魚生多年前被人詬病︰淡水魚不衞生，帶菌。後來改用三文魚，再過一段日子又傳一般三文魚來源不可靠，除非證實為上級加拿大、新西蘭、塔斯曼尼亞或挪威出品，不然也怕生蟲。

ＯＫ，既然咁多懷疑，孫師傅索性採用上品帶子兼先焯熟，用作「撈起」主角，配搭各式香甜甘筍、西芹、生果絲，淋上帶麻香醬汁，最後加入香炸薄脆，大家以特長筷子齊齊撈起，感受新春熱鬧「慶」烚烚。

聽孫師傅口音，相信家鄉為南番順一帶，至曉得粵菜精髓，尤其煮弄魚鮮並食魚心得。

在下首次嘗得過農曆年撈起魚生在新加坡，就似不少人錯覺，也以為這道菜式源出南洋，事實源自順德。上世紀80年代之前鳳城白衫黑褲馬姐除了服侍香港事頭，不少也在上世紀初遠渡重洋到南洋一帶新加坡、吉隆坡謀生，同時也將順德一帶食魚藝術帶到彼邦，甜酸美味帶微辣的撈起頗合赤道國度口味，「撈起」就此落地生根，在新年期間大受歡迎，幾乎予人錯覺源自新加坡。

來滿福樓將帶子撈起，情在、意在、口味全在；既衞生又滋味，誠新春一大必食名菜。

（本欄逢周三至四刊登）