藝人文雪兒近年回歸TVB拍劇過戲癮，近日她聯同昔日好拍檔顧冠忠，齊齊客串演處境喜劇《愛．回家之開心速遞》，顧冠忠當年頂替徐少強主演電視劇《天蠶變》，之後更憑此劇爆紅。《愛回家》有兩個好戲之人加入，令觀眾非常驚喜！
文雪兒同顧冠忠（Facebook圖片）
文雪兒在社交平台分享與顧冠忠、劉丹和呂慧儀的合照，隨即引起網民熱議。原來今次已經是文雪兒同顧冠忠第三度飾演夫妻，依舊默契十足，非常難得。見到顧冠忠個樣keep得幾好，冇乜點變，文雪兒都大讚64歲的佢好識得保養，仲話佢生活習慣健康，個樣好和善，完全冇脾氣。顧冠忠之前已經在《愛回家》出現過，飾演「熊樹根」（劉丹飾）的九表弟「馬冠東」，相信今次都是做呢個角色，上次佢做呃錢騙徒向樹根落手，唔知今次又會有咩搞笑演出呢?
相關新聞：《愛回家》樹根表弟係呃錢騙徒？ 顧冠忠曾為一個原因退隱幕前
{{hket:inline-image name="TREE10_600.jpg"}}{{/hket:inline-image}}
顧冠忠之前在《愛回家》飾演劉丹的表弟（影片截圖）
在拍攝期間，文雪兒更巧遇台灣三大國寶級歌王青山、謝雷同張帝，搞到佢超級興奮，忍唔住化身小粉絲追星集郵。文雪兒寫道：「我今天賺大了 ，回公司客串愛回家，點知可以遇到三個台灣國寶級歌星，青山，張帝和謝雷。」見佢影相笑得咁燦爛，就知內心有幾高興啦！
張帝好精神！（Facebook圖片）
仲有謝雷（Facebook圖片）
唔少得同青山合照（Facebook圖片）
文雪兒同顧冠忠呢對老拍檔，真係最佳熒幕情侶，最近TVB播出的劇集《黃金有罪》，二人在劇中是飾演一對，可惜婚姻唔長久，顧冠忠飾演的水棟樑就因為爛賭欠債而離家出走，最後找了另一個有錢上海女人。而其實早在1979年的武俠電視劇《沈勝衣之骷髏殺手》，佢地已經有合作，顧冠忠的角色「郭藥」為報復妻子私通，而用毒針殺死文雪兒飾演的「赤仙娃」，二人當時扮演一對怨偶。未知今次二人在《愛回家》合作會擦出咩火花，真係好令人期待呀！
顧冠忠在《黃金有罪》同文雪兒都有合作（影片截圖）
（影片截圖）
顧冠忠當年都幾靚仔（網上圖片）
撰文：羅慧怡