劇集《大醬園》昨晚正式開播，第一集醬園發生出貨的危機，在情急忙亂之際，透過解決今次危機，慢慢將萬家四位當家萬啟山（吳岱融飾）、萬啟石（鄭子誠飾）、萬啟川（陳嘉輝飾）和萬啟江（徐榮飾）的個性都突顯出來，節奏分明，總算不錯，而男主角萬家四少爺萬卓楓（何廣沛飾）的事都有較大篇幅的情節交代，他得罪大客要為醬園去贖罪，又跟拉車妹夏小滿（朱晨麗飾）爭執，令他們成為一對歡喜冤家。
相關新聞：《愛回家》劇透金城安取代Joe做孻仔 龍家三太誓做慈母鍊贏熊尚善
(圖片：《大醬園》電視截圖)
(圖片：《大醬園》電視截圖)
(圖片：《大醬園》電視截圖)
(圖片：《大醬園》電視截圖)
四位當家太太分別是席德容（龔慈恩飾）、趙靈素（車婉婉飾）、張笑瑩（郭少芸飾）和嚴瑛（樊亦敏飾），其中嚴瑛雖然穿著摩登，不時會穿洋裝，但滿口「譚仔話」，非常搞笑。樊亦敏接受《晴報》訪問時解釋：「四個兄弟不同性格，大伯穩打穩紮，二伯係古古惑惑，三伯就好老實，有少少口吃，而我老公係花弗，好打得但怕老婆。老公成日去滾，我成日去捉姦。」
她表示嚴瑛是來自上海上流社會的名媛，所以滿口上海口音，她說：「監製畀空間我去設定角色，呢個上海女人嫁到去南方，所以性格比較巴辣，佢見識過上流社會，又會知少少扮代表講英文，雖然文法錯晒但大家都唔識聽，人人都覺得佢好勁咁。而且上海人講說話好快，我就跟到足，（識上海話？）其實我唔識講只係識聽，同劇車婉婉係上海人，有時會問佢，或者用手機APP跟住學，試過幾次係導演問返我講咩，要打字幕。」
相關新聞：《街坊財爺》由龍家闊太變中性跟班 樊亦敏率先劇透角色感情線
(圖片：《大醬園》電視截圖)
樊亦敏笑言四當家太太的角色跟《愛回家之開心速遞》入面的龍家三太太有少少似，變相總是為劇組帶來歡樂，她說：「我有場戲明明要自殺好悲壯，唔知點解成個廠工作人員都喺度笑。」她形容今次拍攝《大醬園》非常開心，大家感情要好，由於拍攝時天氣酷熱又要捱夜，所以她經常都煲涼茶給大家降火。
至於吳業坤在劇中飾演醬園入面的員工華歌，但跟四少楓少非常老友，兩人在打掃時動作神同步，猜拳時又次次出一樣，連唱曲放屁都可以一致，到底是否暗藏關係？無錯，在「維基百科」入面所指，原來華歌是楓少的孖生兄弟，由於大當家萬啟山以為囡囡夭折，花錢買了楓少回來，拆散一對孖兄弟。首集入面華歌和楓少的對話中，華歌更悲情說：「楓少你上世一定做好多好事，先會有咁多人服侍，我一定上世做好多壞事，今世先會被阿媽治。」
(圖片：《大醬園》電視截圖)
(圖片：《大醬園》電視截圖)
(圖片：《大醬園》電視截圖)
(圖片：《大醬園》電視截圖)
(圖片：《大醬園》電視截圖)
撰文：楊安莉