73歲的劉江在TVB服務37年，過去有唔少經典代表作，可惜日前他於《萬千星輝頒獎典禮》突然宣布離巢，讓唔少觀眾震驚和不捨。有報道指出，劉江離開原因是不斷被大台減人工，由高峯期6萬元減到7,500元，早前傾續約時，TVB又要求減騷。不過劉江回應時連聲否認，又指多年來TVB對他都好好，他說：「喺呢度做咗咁多年，公司對我好好，係我自己唔想做啫，我講話唔續約個時，有兩晚瞓唔着，始終都工作咗30幾年，感情上好難接受。但做人一定要有個底線。」
（東星娛樂）
近日劉江接受訪問時，終於願意開口談及離巢的原因，在TVB工作多年，他承認有點意興闌珊，老戲骨一個接一個走，現時已冇人跟他鬥戲，遇不到好對手，加上青黃不接，大台沒有好好培養新人。劉江說：「人呢越嚟越離開咗好多，開始出現斷層，令到做戲上比較難做啲。有得拍戲、有發揮我就開心，一套劇都夠，始終我最在乎都係劇本。」劉江離巢是想尋找新的機會，他說：「大家總會江湖相見，我都好想出來望下，遇吓新對手都係一件好事。我係不言休，希望大家有好戲就搵我拍啦！」
相關新聞：【萬千星輝頒獎典禮】劉江突然宣布離巢有難言之隱？ 李天翔爆不被邀請：「意料之內」
{{hket:inline-image name="9vdooYQH82Yz8vD-cN198T0TnA1LwanScePSMXHj0jE.jpg"}}{{/hket:inline-image}}
（網上圖片）
{{hket:inline-image name="17c61716e8ce02c34a879b1fc966a6ad.jpg"}}{{/hket:inline-image}}
（東星娛樂）
劉江在TVB的工作的最後一日，都特意返電視城同同事道別。曾任藝訓班導師的他，遇上學生吳嘉儀（阿七），二人即合照留念。吳嘉儀感激劉江扶持：「回想你做我哋訓練班嘉賓老師，係第一個教我睇電視台rundown，第一個講解咩係拍攝分場、劇本，『老師』大方分享了你嘅經驗，多謝您！」
吳嘉儀同劉江（IG圖片）
雖然現時零收入，不過劉江一點也不擔心，又笑言他回復自由身最開心的就是太太，因為多了時間陪伴她。劉江透露將會同太太到台灣旅行過農曆新年，順便緬懷一下年輕時在台灣讀書的回憶。
相關新聞：【十二傳說】劉江多次搵命博曾中風欲退休 哽咽剖白人生最悲痛一件事
{{hket:inline-image name="T3TZ3CGSZ4NYPFHVXAAKSNCGFQ.jpg"}}{{/hket:inline-image}}
劉江同米雪等好友聚會（微博圖片）
劉江唔使開工拍戲，生活都好多姿多彩，近日就相約米雪、雪梨、黃淑儀、羅蘭姐和夏雨圈中好友飲茶聚會，米雪留言寫道：「朋友要偶爾見見面，互相問候一下！」相中的劉江笑得好燦爛，心情唔錯，睇嚟佢唔開工都大把世界，好好休息下再考慮未來工作打算都唔遲呀！
（微博圖片）
撰文：羅慧怡