《勁歌金曲頒獎典禮2019》今日下午進行錄影，晚上播出，亦是頒獎禮舉辦多年以來首次取消直播。大會頒發48個獎項，單是歌曲就已經有20首，實在是皆大歡喜。不過論到歡喜，不得不提《勁歌》的歡喜冤家，就是「星夢娛樂」旗下的吳若希同菊梓喬（Hana），今年Hana繼續以大熱姿態獲得六個大獎，贏過只有三獎的吳若希，一向鬧不和的她們似乎又會再令傳聞升溫。
不過當大會宣布「最受歡迎女歌星」獎是Hana時，坐在隔兩個位旁邊的吳若希立即擰歪面，似乎不想見證這一切發生，Hana在台上心情激動，多謝公司之餘，亦感激歌迷的支持，她說：「冇你哋嘅支持，我唔可以撐到今時今日。」
相關新聞：【勁歌總選】周柏豪病癒復出掃5獎 「我個女真係好腳頭」
(圖片：東星娛樂)
去年吳若希恭賀Hana的短片被瘋傳。(圖片：電視截圖)
(圖片：《晴報》)
吳若希接受訪問時，繼續派骨頭，句句說話聽落都有骨，她說：「我得到『人氣女歌手』喎，個獎好大，今年(2020年）係我入行十周年，好多謝老闆何哲圖，由18歲到依家都就快28歲，除咗阿爸以外，係跟得最耐嘅男人，好彩我老公聽唔到。」吳若希透露正努力籌備入行十周年演唱會，希望藉此答謝歌迷的支持。
提到再次失落「最受歡迎女歌星」獎，吳若希從容自在地說：「如果要攞呢個獎，太大壓力喇，我唔係循規蹈矩嘅人，我得獎的話會控制唔到自己，怕影衰大家。我唔係容易承受壓力的人，壓力太大會有情緒問題，壓力交畀其他人去承受啦！」
相關新聞：【一姐之爭】菊梓喬吳若希不和升級句句有骨 《勁歌》浮誇大笑13秒後勢成水火
柏豪得獎時，吳若希面向柏豪拍手恭賀。(圖片：電視截圖)
公布《最受歡迎女歌星》前一刻，吳若希已經刻意擰轉面。（圖片：電視截圖）
雖然有拍掌，但全程擰轉面沒有理會Hana。（圖片：電視截圖)
(圖片：東星娛樂)
(圖片：《晴報》圖片)
提到Hana得獎時，吳若希的表情管理一向受到關注，今次她直接擰轉面沒有望Hana，她說：「我有拍手，（你反應太真！）係咪？我哋討論緊一陣慶功食咩，(食緊要過獎？)我係，其他人就唔知喇！」對於Hana連續兩年都成為頒獎禮的大贏家，是否意味著將「星夢一姐」之位拱手相讓給Hana，吳若希說：「我冇做過一姐，梗係冇啦，我都冇攞過『最受歡迎女歌星』獎，喺我心目中，佢永遠都係一姐。」她又笑言今年忘記望鏡頭，相信未能讓網友製作「GIF」圖瘋傳。
撰文：楊安莉