黃梓瑋唔介意被定型御用師奶 幸福人妻全靠羅浩楷撮合姻緣

提到TVB御用師奶、村民，就一定會想起黃梓瑋，1996年加入TVB的她，演出過大大小小的劇集，雖然都係綠葉配角，但相信觀眾都對佢個樣好有記憶。

{{hket:inline-image name="43167434.png"}}{{/hket:inline-image}}

（網上圖片）

{{hket:inline-image name="45824975.jpg"}}{{/hket:inline-image}}

（網上圖片）

黃梓瑋細細個從冇諗過踏足娛樂圈，父母叫佢畢業後最好搵份安穩文職，畢業之後佢做過會計，但佢份人性格活潑好怕悶，冇幾耐就去創業開時裝店。不過唔好彩撞正八九民運冇生意，當時黃梓瑋巧合聽到商台請人，於是膽粗粗見工，之後順利入去廣告部做。做咗三年半，黃梓瑋更試過喺街頭比星探發掘去拍戲，第一套電影係成龍的《城市獵人》，佢發覺演戲原來好好玩，一試就愛上。

{{hket:inline-image name="6d58d30egy1fgv5eelixmj20hs0hs752.jpg"}}{{/hket:inline-image}}

（微博圖片）

到93年黃梓瑋正式踏進影圈，開頭拍最多係周星馳電影，如《破壞王》、《審死官》等，後來有朋友介紹佢到電視台試下，佢就以特約演員身份係亞視、港台、有線拍劇，到96年先正式同TVB簽約。

{{hket:inline-image name="6d58d30egy1g8xqsjwfrvj215k0nggqr.jpg"}}{{/hket:inline-image}}

黃梓瑋在娛樂圈中人緣好廣（微博圖片）

經常演師奶仔的黃梓瑋，在現實都係一個幸福人妻，佢已經係2000年嫁人，不過相當低調，結婚時連公司都唔知，事關佢認為自己私隱想咁多人知道。至於撮合姻緣的是藝人羅浩楷，原來黃梓瑋老公未結識佢時，已經有在電影留意到佢，當時老公跟羅浩楷學緊唱歌，於是就透過羅浩楷成功見面，之後二人在TVB見得多，日久生情，最終成功抱得美人回歸。黃梓瑋同老公拍拖兩年就結婚，育有兩個兒子，而家都十多歲，一家四口好幸福。

相關新聞：【絕代商驕】70歲羅浩楷患頑疾駝背頸歪慘遭白眼 因一事得救 綠葉背景勁到估唔到

{{hket:inline-image name="9.jpg"}}{{/hket:inline-image}}

羅浩楷係撮合黃梓瑋同老公的媒人（網上圖片）

黃梓瑋在娛樂圈中人緣好廣，經常相約藝人朋友郊遊和聚會，在個人微博相片都係成班藝人的開心大合照為主，可見佢好受大家歡迎。幾年前黃梓瑋身體突然出現毛病，受荷爾蒙影響突然暴肥三十磅，當時都係多得一班圈中好友，廖麗麗又介紹佢去看中醫針灸，韓馬利帶佢跳舞做運動，慢慢先瘦返落來。

{{hket:inline-image name="6d58d30egy1g8offaosgyj20u0140jwe.jpg"}}{{/hket:inline-image}}

黃梓瑋身形曾一度暴脹30磅（微博圖片）

{{hket:inline-image name="6d58d30egy1g8wraqcpmhj213x0u0788.jpg"}}{{/hket:inline-image}}

黃梓瑋經常同藝人朋友聚會（微博圖片）

撰文：羅慧怡